పవన్ పై నిఖిల్ పాట

పెద్ద హీరోల పుట్టిన రోజులకు చిన్న హీరోల సినిమాలు విసెష్ చెప్పే కార్యక్రమం ఒకటి కొత్తగా మొదలయింది. మొన్న చిరు, నాగ్ బర్త్ డేలకు ఇలాగే చాలా సినిమాలు విసెష్ చెబుతూ డిజైన్లు, పోస్టర్లు విడుదల చేసాయి. కోన వెంకట్-నిఖిల్ కలిసి రూపొందిస్తున్న శంకరాభరణం కూడా అలాగే చేసింది.

ఇప్పుడు పవర్ స్టార్ పవన్ కళ్యాణ్ బర్త్ డే వచ్చింది. మళ్లీ హడావుడి మొదలు. ఈ సారి నిఖిల్-కోనవెంకట్ కొత్త ప్రయత్నం చేసారట. పవన్ పై ఏకంగా ఓ పాట రాయించేసారు. దానికి పవన్ పర్సనల్ స్టిల్స్ విజువల్స్ గా జోడించారు. పాట చివర్న శంకరాభరణం టీమ్ అని ఓ డిజైన్. దీన్ని ఈ అర్థరాత్రి విడుదల చేస్తారట.

ఇంతకు ముందు పవన్ ఫ్యాన్స్ లో నితిన్ ముందుండేవాడు. ఇప్పుడు ఈ ప్లేస్ తీసుకోవాలని చూస్తున్నట్లున్నాడు నిఖిల్. సినిమా ప్రచారం కోసం కోటి పాట్లు..ఎవరేం అంటారు.మరి కొన్ని గంటల్లో పవన్ ఫ్యాన్స్ కు సర్పైజ్ అని ట్వీట్ చేసాడు నిఖిల్. అది ఇదే. అంతకన్నా ఏమీ కాదు.