రూటు మార్చిన తేజ.. ఒకేసారి రెండు

కెరీర్ లో ఎప్పుడూ రెండు ప్రాజెక్టులు హ్యాండిల్ చేయలేదు తేజ. ఒక సినిమా కంప్లీట్ అయిన తర్వాత గ్యాప్ తీసుకొని మరో సినిమాను పట్టాలపైకి తీసుకొచ్చేవాడు. కానీ ఈసారి మాత్రం 2సినిమాల్ని సైమల్టేనియస్ గా చేయాలని నిర్ణయించుకున్నాడు. ఓ సినిమాను సెట్స్ పైకి తీసుకొచ్చి మరో సినిమా ప్రీ-ప్రొడక్షన్ వర్క్ కంప్లీట్ చేయబోతున్నాడు.

త్వరలోనే వెంకటేశ్ తో ఓ సినిమా లాంచ్ చేయబోతున్నాడు తేజ. ఓవైపు వెంకీతో సినిమాకు రెడీ అవుతూనే, మరోవైపు ఎన్టీఆర్ బయోపిక్ పై దృష్టిపెట్టాడు. ఈ సినిమాకు ఫిబ్రవరి నుంచి కాల్షీట్లు కేటాయించాడు బాలయ్య. ఆ టైమ్ కు స్క్రిప్ట్ లాక్ చేసే పనిలో బిజీ అయిపోయాడు తేజ. 

ఎన్టీఆర్ జయంతి (మే 28) నాటికి బయోపిక్ ను విడుదల చేయాలని భావిస్తున్నాడు బాలయ్య. ఓ బ్యానర్ స్థాపించి, తనే నిర్మాతగా మారి సినిమా నిర్మించాలని ఫిక్స్ అయ్యాడు. తన బ్యానర్ కు బ్రహ్మతేజ ప్రొడక్షన్స్ అనే టైటిల్ ను పరిశీలిస్తున్న బాలయ్య.. తన ఇంటికి దగ్గర్లోనే ఆఫీస్ ఏర్పాటుచేసేందుకు 2-3 భవనాల్ని కూడా పరిశీలించాడు.