నాగార్జున లెక్క తప్పలేదు. కమర్షియల్ మీటర్లో పెట్టి కొట్టిన 'రారండోయ్ వేడుక చూద్దాం'కి రొటీన్గా వుందనే టాక్ వచ్చినప్పటికీ వసూళ్ల పరంగా లోటు రాలేదు. నాగచైతన్య సినిమాల్లో తొలి వారంలో అత్యధిక వసూళ్లు సాధించిన చిత్రంగా నిలిచిన 'రారండోయ్ వేడుక చూద్దాం' ఈ శనివారంలోగా లాభాల్లోకి చేరిపోతుంది.
ఆదివారానికి తెలుగు రాష్ట్రాల్లోని అన్ని ఏరియాలతో పాటు కర్నాటకలోను బ్రేక్ ఈవెన్ అయిపోతుంది. ఓవర్సీస్ మాత్రమే అండర్ పర్ఫార్మ్ చేసిన ఈ చిత్రానికి అక్కడ ఈ వీకెండ్ కీలకమవుతుంది. ఒకవేళ యుఎస్లో స్వల్ప నష్టం వచ్చినప్పటికీ థియేట్రికల్ రన్ పూర్తయ్యేసరికి ఈ చిత్రం పాతిక కోట్ల షేర్ తెచ్చుకోవడం ఖాయంగా కనిపిస్తోంది.
అదే జరిగితే చైతన్య సోలోగా చేసిన సినిమాల్లో పాతిక కోట్ల మార్కు దాటిన తొలి సినిమాగా రారండోయ్ నిలుస్తుంది. కేశవ రెండవ వారంలో బాగా డ్రాప్ కాగా, బాహుబలి 2 ఇంకా షేర్స్ మీద రన్ అవుతోంది. ఈ చిత్రానికి యాభై రోజుల కేంద్రాలు కూడా పెద్ద సంఖ్యలోనే వస్తాయని ట్రేడ్ చెప్తోంది.
అందరూ ఒక వైపు.. ఆ ఒక్కడూ మరో వైపు