సింహం మౌనం –బాలయ్య టీజర్

సింహం మౌనంగా వుందని సన్యాసం అనుకోవద్దు.. తిక్కరేగిందంటే గొంతు కొరికేస్తా.. ఇలాంటి డైలాగులు వినగానే ఎవరు గుర్తుకువస్తారు? ఇంకెవరు నందమూరి నటసింహం బాలయ్యే. ఆయన లేటెస్ట్ సినిమా జై సింహా టీజర్ బయటకు వచ్చింది. మాంచి పవర్ ఫుల్ డైలాగులు ఈ టీజర్ లో పెట్టారట. బాలయ్యను అందంగా చూపించాలి. కలర్ ఫుల్ గా చూపించాలి.

రొమాంటిక్ గా చూపించాలి అనుకోవడం లేదు దర్శకుడు కేఎస్ రవికుమార్. పవర్ ఫుల్ గా చూపించాలి అని డిసైడ్ అయిపొయాడు. ఈ టీజర్ ఈ విషయమే చెబుతోంది. ఒకటి రెండు గెటప్ ల్లో బాలయ్య చేసిన ఫైట్లు, ఆ ఫైట్లకు ముందు ఒకటి రెండు డైలాగులు. ఇదీ టీజర్.

సింహం మౌనంగా వుందని సన్యాసం అనుకోవద్దు అన్న డైలాగు బోయపాటి మార్కు మాదిరిగా వుంది. ఫ్లూటు జింక ముందు ఊదు.. సింహం ముందు కాదు అన్న డైలాగు ఇన్ స్టాంట్ గా గుర్తుకు వచ్చేదిగా వుంది.

సింహా.. సింహా.. అంటూ ఆర్ ఆర్ హోరెత్తడం ఇటు బాలయ్య సినిమాల్లో, అటు కేఎస్ రవికుమార్ సినిమాల్లోనూ మామూలే. మొత్తం మీద బాలయ్య సినిమా టీజర్ ఎలా వుందీ అంటే. బాలయ్య సినిమాలాగానే వుందని చెప్పుకోవాలి.