కళ్యాణ్ రామ్.. మరోటి

చాలా సైలంట్ గా సినిమాలు చేసే హీరో కళ్యాణ్ రామ్.  బింబిసార తరువాత రెండు సినిమాలు చేసాడు కానీ ఆశించిన ఫలితం ఇవ్వలేదు. మంచి టెక్నికల్ వాల్యూస్, కంటెంట్ తో డెవిల్ సినిమా వచ్చింది కానీ ఎక్కడో మిస్ ఫైర్ అయింది. తరువాత సైలంట్ గా వుండిపోయారు కళ్యాణ్ రామ్ అని అనుకున్నారంతా. కానీ అలా జరగలేదు. ఓ సినిమా దాదాపు పూర్తి చేసేసారు. ఇప్పుడు జస్ట్ ఫార్మల్ అనౌన్స్ మెంట్ ఇచ్చారు.

అయితే జానర్ ఏమిటి? ఎలా వుంటుంది… ఎవరెవరు అన్న క్లారిటీ ఇవ్వలేదు. జస్ట్ ఓ చిన్న వీడియో కట్ చేసి వదిలారంతే. ఫిస్ట్ ఆఫ్ ఫ్లేమ్ అనే క్యాప్షన్ ఇచ్చారు కనుక పక్కాగా మాస్ యాక్షన్ అనేది వుంటుందని ఫిక్స్ అయిపోవచ్చు.

గతంలో చాలా గ్యాప్ తరువాత సరిలేరు నీకెవ్వరు సినిమాలో కనిపించిన సీనియర్ హీరోయిన్ విజయశాంతి ఈ సినిమాలో నటిస్తున్నారు. అదో స్పెషాలిటీ. కళ్యాణ్ రామ్ కు తల్లిగా కనిపిస్తారని తెలుస్తోంది. సోహైల్ ఖాన్, సాయి మంజ్రేకర్, శ్రీకాంత్ లాంటి స్టార్ కాస్ట్ వుంది. ప్రదీప్ చిలుకూరి అనే కొత్త దర్శకుడు ఈ సినిమాకు పని చేస్తున్నారు.