Epaper
ఒక‌వైపు విడాకుల విష‌యంలో త‌న‌పై అనుచిత ప్ర‌చారం చేసిన యూట్యూబ్ చాన‌ళ్ల‌కు లీగ‌ల్ నోటీసులు పంపించి, వారిని కోర్టుకు ఈడ్చే ప‌నిని త‌న లాయ‌ర్ల‌కు అప్ప‌గించిన న‌టి స‌మంత, వ్య‌క్తిగ‌తంగా ప్రశాంతతను వెదుక్కొంటూ ఉన్న‌ట్టుంది.
విడాకుల వ్య‌వ‌హారం ఒక కొలిక్కి వ‌చ్చాకా.. దేశ వ్యాప్తంగా వివిధ ప్రాంతాల‌ను సంద‌ర్శిస్తోంది స‌మంత. ఈ క్ర‌మంలో ఆమె ప్ర‌స్తుతం ఛార్ ధామ్ యాత్ర‌లో ఉంది. స‌మంత స‌న్నిహితురాలు, ప్ర‌స్తుతం ఆమెతో క‌లిసి టూర్లో ఉన్న శిల్పా రెడ్డి అందుకు సంబంధించిన ఫొటోల‌ను షేర్ చేస్తోంది.
ఇప్ప‌టికే రిషికేష్ యాత్ర‌ను పూర్తి చేసిన స‌మంత- శిల్పా రెడ్డి ద్వ‌యం.. య‌మునోత్రి సంద‌ర్శ‌న‌లో ఉన్నారు. హెలికాప్ట‌ర్లో తాము బ‌య‌ల్దేరుతున్న పిక్ ను శిల్పా రెడ్డి ఇన్ స్టాగ్ర‌మ్ లో షేర్ చేసింది. ఇలా హిమాల‌య పర్వత‌సానువుల్లోని హిందూ ధ‌ర్మ క్షేత్రాల సంద‌ర్శ‌న‌తో ఆధ్యాత్మిక యాత్ర‌ను చేప‌ట్టింది స‌మంత.
ఇంత‌కు ముందే ఈమె ఇత‌ర దైవ క్షేత్రాల‌ను కూడా సంద‌ర్శిస్తూ వ‌స్తోంది. ఇటీవ‌లే తిరుమ‌ల శ్రీవారిని కూడా ద‌ర్శించుకుంది. విడాకుల వ్య‌వ‌హారంతో స‌మంత ఎంతో కొంత డిస్ట్ర‌బ్ అయి ఉండ‌వ‌చ్చు. ఈ క్ర‌మంలో ఆధ్యాత్మిక క్షేత్రాల సంద‌ర్శ‌న ద్వారా ప్రశాంతతను పొందే ప్ర‌య‌త్నం చేస్తూ ఉండ‌వ‌చ్చ‌ని స్ప‌ష్టం అవుతోంది.