Epaper
ఇదంతా ఈవారం విడుదలయ్యే పడి పడి లేచె మనసు సినిమా సంగతి కాదు. దాని తరువాత శర్వానంద్ చేస్తున్న డైరక్టర్ సుధీర్ వర్మ సినిమా సంగతి. సుధీర్ వర్మ డైరక్షన్ లో సితార ఎంటర్ టైన్ మెంట్స్ ఓ సినిమా నిర్మిస్తున్న సంగతి తెలిసిందే. ఈ సినిమాలో శర్వానంద్ వయసు మళ్లిన ఓ మాఫియా లీడర్ పాత్ర పోషిస్తున్నాడు. అలాగే యంగ్ క్యారెక్టర్ కూడా చేస్తున్నాడు. ఒకటే పాత్ర. రెండు షేడ్ లు అన్నమాట.
ఈ సీనియర్ మాఫియా లీడర్ క్యారెక్టర్ పాత్ర కోసం శర్వానంద్ కు బాలీవుడ్ మేకప్ స్పెషలిస్ట్ లు మేకప్ చేసారట. ఆ మధ్య వచ్చిన సంజు సినిమాకు పనిచేసిన స్పెషలిస్ట్ లు దీనికి పని చేసారట. అసలు శర్వానంద్ ను ఓల్డ్ గెటప్ లో చూస్తే, జనం ఒక్క సెకెండ్ గుర్తుపట్టడం కాస్త అసాధ్యంగా వుంటుందట.
శర్వా మొబైల్ లో వున్న ఈ గెటప్ స్టిల్ చూసిన తరువాత అది శర్వాదేనా అని పోల్చుకోవడానికి కొన్ని నిమిషాలు పట్టింది. ఇదిలావుంటే ఈ సినిమాకు దళపతి అనే టైటిల్ పెట్టాలని అనుకున్నారు. కానీ ఓ చిన్న సినిమా నిర్మాతలు ఈ టైటిల్ రిజిస్టర్ చేయించుకున్నారు.
సితార ఎంటర్ టైన్ మెంట్స్ ఈ టైటిల్ కోసం వాళ్లను రిక్వెస్ట్ చేసినా, వాళ్లు నో అనేసినట్లు తెలుస్తోంది. దాంతో మరో టైటిల్ కోసం వెదుకులాడుతున్నారు. మరి మరో టైటిల్ పెడతారో? శర్వానంద్ దళపతి అనో, శర్వా దళపతి అనో రిజిస్టర్ చేయిస్తారో? చూడాలి.
జగన్, పవన్ కలిసి పనిచేసినా మాకు ఓకే
ఫెడరల్ ఫ్రంట్ రూపంలో కేసీఆర్, ఒవైసీ ఏపీలోకి! చదవండి ఈవారం గ్రేట్ ఆంధ్ర పేపర్