Epaper
రంగస్థలం హిట్ అయిన తరువాత నుంచి ఎక్కువగా డిస్కషన్ కు వస్తున్న పాయింట్, సుకుమార్ తరువాత సినిమా ఎవరితో అన్నది? నిన్న మొన్నటి దాకా బన్నీతో చేయడానికి మైత్రీ మూవీస్ అధినేతలు ఆసక్తిగా వున్నారని, సుకుమార్ కొంత సేపు కథ కూడా చెప్పాడని వినిపిస్తూ వచ్చింది. అయితే ఆ టాక్ అలా వుండగానే, లేటెస్ట్ గా సుకుమార్ ను ప్రభాస్ ను కలిపి ప్రాజెక్టు చేయాలనే ఆలోచనలో మైత్రీ జనాలు వున్నారన్న టాక్ బయటకు వచ్చింది.
ప్రభాస్ తో సినిమా ఆలోచన ఎప్పటి నుంచో మైత్రీ మూవీస్ కు వుంది. అలాగే రంగస్థలం సినిమాను ప్రభాస్ సన్నిహితులు యువి జనాలే నైజాంలో, గుంటూరు ఏరియాల్లో పంపిణీ చేసారు. అలా వీరి బంధం మరింత గట్టి పడింది. ఈ నేఫథ్యంలో సుకుమార్ తో ప్రభాస్ కోసం ఓ సినిమాను చేయించాలని ఆలోచన వచ్చినట్లు గుసగుసలు వినిపిస్తున్నాయి.
ప్రస్తుతానికి ప్రభాస్ తో పెద్ద డైరక్టర్ల సినిమాలు ఏవీ లైన్లో లేవు. ప్రస్తుతం సాహో సినిమా జరుగుతోంది. అది ఇంకో ఏడాది పడుతుంది. ఆ తరువాత రాధాకృష్ణ సినిమా వుంది. కావాలంటే అది పక్కన పెట్టి సుకుమార్ సినిమా ఎక్కించవచ్చు. అయితే ఇదే సమయంలో కొరటాల శివ పేరు కూడా ప్రభాస్ కోసం వినిపిస్తోంది. మైత్రీకి కొరటాలతో కూడా మంచి అనుబంధం వుంది. అందువల్ల అయితే సుకుమార్ లేదా కొరటాలతో ఓ సినిమాను ప్రభాస్ తో చేయాలన్నది మైత్రీ ఆలోచనగా వినిపిస్తోంది.
బన్నీకి కథ చెప్పడం, గీతాలో కిందా మీదా పడి ఒప్పించడం అవన్నీ ఓ పట్టాన తెమిలే విషయాలు కాదు, పైగా మిగిలిన చోట్ల వున్నంత ప్రీడమ్ గీతాలో వుండదు. ఆ సంగతి సుకుమార్ కు కూడా అనుభవమే. బహుశా ఆ లైన్ లోనే ప్రభాస్ అనే ఫీలర్ బయటకు వచ్చిందనే గుసగుసలు కూడా వున్నాయి.