నానితో భవ్య సినిమా?

భలే భలే మగాడివోయ్..సినిమా హీరో నానికి ఫుల్ జోష్ ను ఇచ్చింది. ఆ తరువాత వచ్చిన కృష్ణగాడి వీర ప్రేమగాథ కూడా నిర్మాతలకు ఎనిమిది కోట్ల వరకు లాభాలు ఇచ్చింది. బయ్యర్లు టెన్.. ట్వంటీ పర్సంట్ కోల్పోయారు.. అది వేరే సంగతి. సో అందుకే చాలా ప్రాజెక్టులు నానిని వెదుక్కుంటూ వస్తున్నాయి. దిల్ రాజుతో ఓ సినిమా చేయబోతున్నాడు. 

ఇదిలా వుంటే మహేష్ బాబుకు ఇరవై కోట్ల వరకు అడ్వాన్స్ ఇచ్చి వెయిటింగ్ లో వున్న భవ్య ఆర్ట్స్ కూడా నానితో ఓ సినిమా చేసే ప్రయత్నాల్లో వున్నట్లు వినికిడి. ఈ ప్రాజెక్టు ప్రస్తుతం డిస్కషన్ స్టేజ్ లో వుంది. గోపీచంద్ తో లౌక్యం..సౌఖ్యం తీసిన సంస్థ నాని డేట్లు సంపాదించి, ఓ సినిమా చేయాలని ప్రయత్నాలు చేస్తోంది. ప్రస్తుతం నాని చేస్తున్న సినిమా దాదాపు సగం పూర్తయింది.