ఇదే అవకాశం..ఎమీ ని మార్చేయండి

శంకర్ రోబో 2 లో రజనీ పక్కన ఎమీ జాక్సన్ ను తీసుకున్నాడు డైరక్టర్ శంకర్. కానీ తీరి కూర్చుని సదరు ఎమీ జాక్సన్ తమిళనాడు జల్లి కట్టు వ్యవహారాలపై కామెంట్ చేయడంతో కథ టర్నింగ్ ఇచ్చుకుంది. కొన్ని తమిళ సంఘాలు ఎమీ జాక్సన్ ను ఆ సినిమా నుంచి తొలగించాలని పట్టుపడుతున్నాయి. 

సరే ఆ సంగతి అలా వుంచితే శంకర్ తన సినిమా నుంచి ఎమీని మార్చేస్తేనే బెటర్ అంటున్నారు సినిమా అభిమానులు. ఎందుకంటే ఎమీ జాక్సన్ లెగ్ చాలా పవర్ ఫుల్ అని మహా మహా సినిమాలే బాక్సాఫీసు దగ్గర పల్టీ కొట్టేసాయని లెక్కలు తీస్తున్నారు. మొన్నటికి మొన్న విక్రమ్ తో శంకర్ తీసిన ఐ సినిమాలోనూ ఆమే హీరోయిన్..ఎంత డిజాస్టర్ అన్నది కొత్తగా చెప్పక్కరలేదు. 

లేటెస్ట్ గా థనుష్ (నవ మన్మధుడు) సినిమాలోనూ ఆమే ఓ హీరోయిన్. ఆ సినిమా కూడా బాక్సాఫీస్ దగ్గర సోసో అయిపోయింది. ప్రారంభంలో మద్రాసు పట్టణం నుంచి అన్నీ అలాంటివే.తెలుగులో ఎవడు ఒక్కటే కాస్త ఊరట.  అందుకే శంకర్ కు ఇదే మంచి తరుణము..మించిన దొరకదు..ఎమీని తప్పించేయమంటున్నారంతా.