cloudfront

Advertisement

Advertisement


Home > Movies - Movie Gossip

విజయ్ సేతుపతిని ఇలా క్యాష్ చేసుకుంటున్నారు!

 విజయ్ సేతుపతిని ఇలా క్యాష్ చేసుకుంటున్నారు!

ఇన్నాళ్లూ విజయ్ సేతుపతి మీద తెలుగు  డబ్బింగ్ ప్రొడ్యూసర్లు అంతగా కన్నేసినట్టుగా లేరు. ఎవరైనా తమిళ హీరో తెలుగులో గుర్తింపును సంపాదించుకుంటే, అతడి తమిళ సినిమాలు అన్నీ వరస పెట్టి తెలుగులోకి అనువాదం అయిపోతూ ఉంటాయి.

గతంలో చాలా మంది హీరోల విషయంలో ఇదే జరిగింది. అయితే విజయ్ సేతుపతి డైరెక్టుగా తెలుగు వాళ్లను ఇంకా గట్టిగా పలకరించింది లేదు. అయితే ఇటీవల 'సైరా నరసింహారెడ్డి'లో ఒక పాత్రలో ఆకట్టుకున్నాడు!

ఇంకేముంది.. అప్పుడే అతడి తమిళ సినిమాలను తెలుగులోకి అనువదించే ప్రక్రియలు మొదలైనట్టుగా ఉన్నాయి. ఒక వాటి పరంపర కొనసాగే అవకాశం ఉంది. అతడు తమిళంలో ఇది వరకూ నటించిన పాత సినిమాలను కూడా తెలుగు డబ్బింగ్ సినిమాలు చేసే ప్రొడ్యూసర్లు వదిలేలా లేరు.

అందులో భాగంగా ఒక సినిమా వస్తోంది. ఆ సినిమా పేరే 'విజయ్ సేతుపతి' అట! తమిళంలో ఏదో పేరుతో రూపొందిన ఆ సినిమాకు తెలుగులో డైరెక్టుగా ఆ హీరో పేరే పెట్టి సేల్ చేస్తున్నారు! ప్యూర్ మార్కెటింగ్ స్ట్రాటజీ!

ఇలా విజయ్ సేతుపతి కి తెలుగులో దక్కిన గుర్తింపును, అతడి పేరును డైరెక్టుగా క్యాష్ చేసుకునే ప్రయత్నం చేస్తున్నట్టుగా ఉన్నారు. ప్రస్తుతం విజయ్ సేతుపతి మరో రెండు డైరెక్ట్ తెలుగు సినిమాల్లో నటిస్తున్నట్టుగా ఉన్నాడు.

అవి కూడా వస్తే.. తమిళంలో అతడు నటించిన సినిమాల్లో వేటినీ వదలకుండా తెలుగులోకి డబ్ చేసేస్తారు కాబోలు!