Epaper
“సినిమాల పోస్టర్ల మీద నీ ఫొటోలు వేయడం ఆపు, హీరోల ఫొటోలు వేస్తే కొంతమందైనా సినిమాకొస్తారు.” ఆంజనేయులు సినిమాలో నిర్మాత పాత్ర పోషించిన ఎమ్మెస్ నారాయణపై హీరో రవితేజ వేసిన సెటైర్ అది. అప్పట్లో ఆ సెటైర్ ఎలా పుట్టుకొచ్చిందో చాలామందికి తెలుసు.
కొంతమంది దర్శకుల అత్యుత్సాహం హీరోల్ని మించిపోతుంది. హీరో కంటే తమకే ఎక్కువ పేరు రావాలనే కుతి వీళ్లలో ఎక్కువ కనిపిస్తుంది. గతంలో ఓ దర్శకుడు ఇలానే చాలా హంగామా చేసి తలబిరుసు ఎక్కువనే విమర్శలు మూటగట్టుకున్నాడు.
ఆ తర్వాత అదే దర్శకుడు వరుసపెట్టి ఫ్లాపులిచ్చాడు, ఆల్ మోస్ట్ ఫేడవుట్ అయిపోయాడు. మళ్లీ ఇన్నాళ్లకు రాకరాక ఓ అవకాశం వచ్చింది. దాన్ని అతడు సద్వినియోగం చేసుకుంటాడని అంతా భావించారు. అయితే గతంలో ఏ విషయంపై విమర్శలు కొనితెచ్చుకున్నాడో, ఇంకా ఆ బుద్ధి వీడినట్టు లేదు ఈ డైరక్టర్.
ఇప్పటికీ వర్కింగ్ స్టిల్స్ పేరిట తన ఫొటోల్నే రిలీజ్ చేస్తున్నాడు. హీరో ఉన్న స్టిల్ ఒక్కటి రిలీజైతే, ఇతగాడు ఉన్నవి 4 రిలీజ్ అవుతున్నాయి. స్టార్ డైరక్టర్ అయితే ఆ లెక్క వేరు. వరుసగా ఫ్లాపులిచ్చి మరీ ఇప్పుడిలా ఆన్-లొకేషన్ లో ఫొటోలకు పోజులిస్తుంటే యూనిట్ లో జనాలే విసుక్కుంటున్నారు.