cloudfront

Advertisement


Home > Movies - Movie News

చిరంజీవి సినిమా అయినా నయనతార అంతే!

చిరంజీవి సినిమా అయినా నయనతార అంతే!

సినిమాలో నటించడం వరకే తన బాధ్యత, ప్రమోషన్ తో తనకు సంబంధం లేదని స్పష్టంచేస్తూ వస్తోంది నయనతార. ఈ విషయంలో ఆమెపై కొంతమంది ఫిర్యాదులు చేసినా వాటిని లెక్కచేయడం లేదామె. నటించడం వరకే తను రెమ్యూనరేషన్ తీసుకుంటూ, క్యాల్షీట్లను కేటాయిస్తున్నట్టుగా ప్రమోషన్ కు మళ్లీ సమయం కేటాయించలేనట్టుగా నయనతార తేల్చిచెబుతూ ఉంది. తన తీరు అంతే అని, నచ్చినవాళ్లే తన దగ్గరకు రావాలని, అది నచ్చనివాళ్లు తనకు అవకాశాలు ఇవ్వనక్కర్లేదన్నట్టుగా నయనతార వ్యవహరిస్తూ ఉంది.

ఈ క్రమంలో ఆమె చిరంజీవి సినిమాను కూడా లైట్ తీసుకుంది. 'సైరా నరసింహారెడ్డి'లో హీరోయిన్ గా నటించిన నయనతార ఆ సినిమా ట్రైలర్ రిలీజ్ ప్రోగ్రామ్ లో కనిపించని వైనం చర్చనీయాంశంగా మారుతూ ఉంది. తెలుగు, కన్నడ, మలయాళ, హిందీ భాషల ట్రైలర్ ఒకేసారి విడుదల చేశారు. ఆ కార్యక్రమానికి ఆ సినిమాలో నటించిన ప్రముఖులంతా హాజరయ్యారు. అయితే నయనతార మాత్రం ఆ ఛాయల్లో కనిపించలేదు!

తనకు చిరంజీవి సినిమా అయినా ఒకటే, ఇతర హీరోల సినిమాలు అయినా ఒకటే అనే సంకేతాలను గట్టిగానే ఇచ్చింది ఈ హీరోయిన్ అని అంటున్నారు సినీజనాలు. ఈ సినిమా ప్రమోషన్ కు హాజరైతే ఇన్నిరోజులూ తను వ్యవహరించిన తీరు తప్పనే సంకేతాలను ఆమే ఇచ్చినట్టుగా అవుతుంది. తదుపరి సినిమాల విషయంలో కూడా ప్రమోషన్ యాక్టివిటీస్ లో అటెండ్ కావాల్సి ఉంటుంది. అందుకే ఈ సినిమా ప్రమోషన్ ను కూడా నయనతార ఎస్కేప్ చేసి, తనతీరును చాటుకుందని పరిశీలకులు అంటున్నారు.

ముడుపులకు ఆశపడితే మూడినట్టే!