cloudfront

Advertisement


Home > Movies - Press Releases

'కౌసల్య' బాగుంది-పివి సింధు

'కౌసల్య' బాగుంది-పివి సింధు

ఐశ్వర్యా రాజేష్‌, నటకిరీటి డా.రాజేంద్రప్రసాద్‌, కార్తీక్‌ రాజు, వెన్నెల కిషోర్‌ ముఖ్య పాత్రల్లో క్రియేటివ్‌ కమర్షియల్స్‌ పతాకంపై దర్శకుడు భీమనేని శ్రీనివాసరావు దర్శకత్వంలో తయారైన చిత్రం 'కౌసల్య క ష్ణమూర్తి'. ఈ చిత్రంలో ప్రత్యేక పాత్రలో  తమిళ హీరో శివ కార్తికేయన్‌ నటించారు.

ఆగ‌స్ట్ 23న విడుద‌లైన ఈ చిత్రం మంచి విజ‌యాన్ని ద‌క్కించుకోవ‌డ‌మే కాదు.. అప్రిషియేష‌న్స్ అందుకుంటుంది. ఈ నేప‌థ్యంలో ప్ర‌పంచ బాడ్మింట‌న్ చాంపియ‌న్ పి.వి.సింధు, కోచ్ పుల్లెల గోపీచంద్, చాముండేశ్వ‌రినాథ్ త‌దిత‌రులు ఈ చిత్రాన్ని  హైదరాబాద్ రామానాయుడు స్టూడిలో ప్రత్యేకంగా వీక్షించారు. 

షో అనంతరం బాడ్మింట‌న్ వ‌రల్డ్ ఛాంపియ‌న్ పి.వి.సింధు మాట్లాడుతూ - ``సినిమా చూశాను. చాలా బావుంది. అమ్మాయిలు బ‌య‌ట‌కొచ్చి తమకు తాము ఎలా నిరూపించుకున్నారు? అన్న అంశాల‌ను ఈ సినిమాలో చూపించారు. మ‌రో ప‌క్క రైతు స‌మ‌స్య‌ల‌ను ఎవ‌రూ పెద్ద‌గా ప‌ట్టించుకోరు?  చిన్న‌గానే చూస్తారు. కానీ అలాంటి రైతుల స‌మ‌స్య‌ల‌ను గుర్తించాల‌ని ఈ సినిమాలో చూపించారు. మ‌నం ఈరోజు తింటున్నామంటే కార‌ణం రైతులే. అమ్మాయిలు న‌మ్మ‌కంతో ముందుకొచ్చి క్రికెట్ ఆడ‌టం అనే విష‌యంతో పాటు రైతుల విలువేంటి? అనే మెసేజ్‌ను ఈ చిత్రం ద్వారా ఇచ్చారు. త‌ల్లిదండ్రుల న‌మ్మ‌కాన్ని నిజం చేయ‌డానికి కౌస‌ల్య ఎంత క‌ష్ట‌ప‌డిందో ఈ సినిమాలో మ‌నం చూడొచ్చు. చాలా మంచి మెసేజ్‌, ఎమోష‌న్స్ ఉన్న సినిమా. ఐశ్వ‌ర్యా రాజేష్ చాలా నేచుర‌ల్ న‌టించ‌డ‌మే కాదు.. చాలా హార్డ్‌వ‌ర్క్ చేసింది`` అన్నారు. 

పుల్లెల‌గోపీచంద్ మాట్లాడుతూ - ```కౌస‌ల్య కృష్ణ‌మూర్తి` సినిమా చాలా బాగా న‌చ్చింది. ఆడ‌పిల్ల‌ల ఎదుగుద‌ల‌కు త‌ల్లిదండ్రుల స‌పోర్ట్ ఎంతో అవ‌స‌రం. ఈ సినిమాలో కూడా దాన్ని చ‌క్క‌గా చూపించారు. చాలా సెన్సిటివ్ మూవీ. సినిమాను చ‌క్క‌గా చూపించారు. సినిమాను ఎంట‌ర్‌టైనింగ్‌గా మంచి మెసేజ్‌తో, టీమ్‌తో చేశారు`` అన్నారు.   

భీమ‌నేని శ్రీనివాస‌రావు మాట్లాడుతూ - ``మా `కౌస‌ల్య‌కృష్ణ‌మూర్తి` స్పోర్ట్స్‌కు సంబంధించిన చిత్రం కావడంతో సినిమాను అంద‌రూ చూసి అభినందిస్తున్నారు. పి.వి.సింధు, పుల్లెల గోపీచంద్‌, చాముండేశ్వ‌రి నాథ్ వంటివారు మా సినిమాను చూడటం చాలా ఆనందంగా ఉంది. మంచి ఎమోష‌న్స్ ఉన్న ఇన్‌స్పిరేష‌న‌ల్ చిత్ర‌మిది. సినిమాను ఎంక‌రేజ్ చేస్తున్న అంద‌రికీ థ్యాంక్స్`` అన్నారు.