ఆర్కే ఇంట‌ర్వ్యూ...క‌య్యానికి సై!

తెలంగాణ సీఎం కేసీఆర్‌తో స‌యోధ్య కాదు, యుద్ధానికి సై అని గ‌వ‌ర్న‌ర్ త‌మిళిసై ప‌రోక్షంగా సంకేతాలు ఇచ్చారు. ఆర్కేకు ఇచ్చిన ఇంట‌ర్వ్యూలో తెలంగాణ స‌ర్కార్‌ను త‌మిళిసై మ‌రింత రెచ్చ‌గొట్టేలా మాట్లాడార‌నే అభిప్రాయాలు వ్య‌క్త‌మ‌వుతున్నాయి. కేసీఆర్‌ను రెచ్చ‌గొట్టే క్ర‌మంలో అంతా వ్యూహాత్మ‌కంగా ఈ ఇంట‌ర్వ్యూను ప్లాన్ చేశార‌ని టీఆర్ఎస్ వ‌ర్గాలు చెబుతున్నాయి.

కేసీఆర్ స‌ర్కార్‌తో గొడ‌వ‌కు ఈ ఇంట‌ర్వ్యూ మ‌రింత ఆజ్యం పోసిన‌ట్టుగా వుంది. ఆర్కే ల‌క్ష్యం నెర‌వేరింది. ఇలా అనేక కోణాల్లో కేసీఆర్‌పై త‌మిళిసై ఆర్కే ఇంట‌ర్వ్యూ ద్వారా క‌య్యానికి కాలు దువ్వారు. గ‌వ‌ర్న‌ర్ తాజా హెచ్చ‌రిక‌ల‌పై కేసీఆర్ స‌ర్కార్‌, టీఆర్ఎస్ శ్రేణుల స్పంద‌నపై ఉత్కంఠ నెల‌కుంది.