త్రివిక్రమ్-బన్నీ సినిమాలో ఉపేంద్ర?

కన్నడ రంగ విలక్షణ నటుడు ఉపేంద్ర చాలా కాలం తరువాత ఓ డైరెక్ట్ తెలుగు సినిమాలో కనిపించబోతున్నారు. అల్లు అర్జున్-త్రివిక్రమ్ శ్రీనివాస్ కాంబినేషన్ లో రాబోతున్న సినిమాలో ఓ కీలక పాత్రకు ఉపేంద్రను ఖరారు చేసినట్లు తెలిసింది. 

ఉపేంద్ర తెలుగువారికి సుపరిచితుడు. ఇవివి సినిమాల్లో చాలా వాటిలో నటించారు. అలాగే కన్నడ డబ్బింగ్ సినిమాల ద్వారా కూడా అయన పరిచితుడే. అందువల్ల అటు కన్నడ నాట సినిమాకు క్రేజ్ రావడం, ఇటు తెలుగులో మంచి క్యారెక్టర్ కు విభిన్న నటుడిని తీసుకోవడం అనే రెండు లాభాలు వుంటాయని యూనిట్ ఈ నిర్ణయం తీసుకున్నట్లు తెలుస్తోంది. 

బన్నీ సినిమాలకు మలయాళం మార్కెట్ ఎలాగూ వుంటుంది. తమిళనాట కూడా ఫరవాలేదు. దాంతో ఈ సినిమా నాలుగు భాషల సినిమాగా మారుతుంది.