టైగర్ మరో ఆర్యనా?

సందీప్ కిషన్ టైగర్ ఈ నెల 26న ప్రేక్షకుల ముందుకు వస్తోంది. ఈ సినిమా లైన్ కాస్త ఆర్యకు దగ్గరగా వుంటందని టాక్ వినిపిస్తోంది. అంటే మరేం లేదు. ఇది కూడా ట్రయాంగిల్ లవ్ స్టోరీ. ఒకరు త్యాగం చేసి పక్కకు తప్పుకోవడం టైపు కథే. చిత్రమేమిటంటే సినిమా ప్రారంభమైన 25 నిమషాలకు కానీ సందీప్ పాత్ర తెరపైకి రాదట. అంతవరకు రాహుల్ రవీంద్రన్, వచ్చాక సందీప్, హీరోయిన్ తో ఆడేసి పాడేసుకుంటారన్నమాట.

ఇంకో విషయం ఏమిటంటే, ఈ సినిమాను ఒక స్టేజ్ వరకు తీసాక, కాస్త అనుభవజ్ఞులకు చూపించి, మంచి చెడ్డలు బేరీజు వేసి, ఆపైన ఫినిష్ చేసారట. ఇదేదో బాగానే వుంది. సినిమా పూర్తయిన తరువాత ఇలా వుంది..అలా వుంది అంటే, కత్తెర్లు పట్టుకుని రెడీ అయ్యే బదులు, ముందే జాగ్రత్త పడడం.