అతగాడు విలనే అంట

నాగ చైతన్య-చందు మొండేటి కాంబినేషన్ లో మైత్రీ మూవీస్ నిర్మిస్తున్న సవ్యసాచి సినిమా షూట్ ఒక షెడ్యూలు పూర్తి కావస్తోంది. ఈ నెల 11తో ఈ షెడ్యూలుకు విరామం ప్రకటిస్తారు. ఈ సినిమాలో నాగ చైతన్యతో పాటు తమిళ హీరో మాధవన్ కూడా ఓ కీలకపాత్ర ధరిస్తున్న సంగతి తెలిసిందే.

అయితే మాధవన్ పోషిస్తున్నది కీలకపాత్ర మాత్రమే కాదంట. ఆ సినిమాలో మాధవన్ నే విలన్ గా నటిస్తున్నాడంట. ఒక విధంగా మాధవన్ మన వాళ్లకు విలన్ గా పరిచయం లేదు.

ఈ సినిమాతో మనకు ఓ కొత్త విలన్ వస్తున్నాడు. నచ్చితే, నప్పితే మన వాళ్లు మరిన్ని సినిమాలు ఇవ్వడం ఖాయం. అయితే ఈ విలన్ కాస్త కాస్ట్లీ. కాల్ షీట్ లెక్కల్లో చూసుకున్నా సినిమాకు రెండు కోట్లకు పైగా ఇచ్చుకోవాల్సి వుంటుంది.

అందువల్ల ఎంతో అవసరం అయితే తప్పించి, మాధవన్ ను విలన్ గా తీసుకోవడానికి ఆలోచిస్తారేమో?