సంక్రాంతికి వస్తున్న గ్యాంగ్

మొత్తానికి ఈసారి సంక్రాంతి చాలా హాట్ గా వుండేలాగే వుంది చూస్తుంటే. సంక్రాంతికి కాస్త ఇటుగా పవన్ కళ్యాణ్, సంక్రాంతి టైమ్ లో బాలకృష్ణ, సూర్య, కాస్త అటుగా అనుష్క ల సినిమాలు బరిలోకి దిగుతున్నాయి. అంటే 10నుంచి 25మధ్యలో నాలుగు పెద్ద సినిమాలు. కేవలం 15రోజుల గ్యాప్ లో.

సూర్య లేటెస్ట్ మూవీని తెలుగులో యువి క్రియేషన్స్ సంస్థ అందిస్తున్న సంగతి తెలిసిందే. విఘ్నేష్ దర్శకుడు. కీర్తి సురేష్ హీరోయిన్. ఈ సినిమా సంక్రాంతికి విడుదలవుతుందని ముందు నుంచీ అనుకుంటున్న సంగతి తెలిసిందే. ఇప్పుడు ఈ సినిమా రిలీజ్ డేట్, టైటిల్ ఫిక్స్ చేసేసారు. గ్యాంగ్ అన్న టైటిల్ పెట్టినట్లు యువి క్రియేషన్స్ ప్రకటించింది.

సంక్రాంతి అంటే బి సి సెంటర్లదే హవా, హడావుడి. సూర్య సినిమా అంటే మన బి సి సెంటర్లలో కూడా మంచి క్రేజ్ వుంది. సింగం సిరీస్ మన దగ్గర మోస్ట్ పాపులర్. అందుకే యువి సంస్థ సంక్రాంతికి తమ స్వంత సినిమా భాగమతని తేవాలని అనుకున్నా, ఓ వారం వెనక్కు నెట్టి, సూర్య సినిమాను తీసుకువస్తోంది.