బన్నీవాస్ వెేసేస్సాడుగా

ఆంధ్రలో పుట్టాం.. ఆంధ్రలో పెరిగాం.. అమెరికాలో కాదు. ఆంధ్రలో చదివాం.. అమెరికాలో కాదు. మా యాస కూడా ఆంధ్రనే.. ఇప్పుడు కొత్తగా మేం ఆంధ్రవాళ్లని కొత్తగా ప్రూవ్ చేసుకోనక్కరలేదు….

ఇదీ మెగా క్యాంప్ కు చెందిన బన్నీ వాస్ లేటెస్ట్ ట్వీట్. ఇది ఎవర్ని ఉద్దేశించిందో, దేనికి కౌంటర్ అన్నది కొత్తగా విడమరిచి చెప్పనక్కరలేదు. ఆధార్ కార్డు వుంటేనే ఆంధ్ర అన్నట్లుగా నారా లోకేష్ చేసిన వాఖ్యలకు ఇది కౌంటర్ అనే అనుకోవాలి. పైగా లోకేష్ చదువుకున్నది అమెరికాలోనే. ఆయన యాస కూడా కాస్త డిఫరెంట్ గానే వుంటుంది. అందువల్ల ఆ విధంగా కూడా కాస్త ఎత్తి చూపించినట్లయింది.

అందుకే పెద్దలు అన్నారు. తమలపాకుతో నువ్వు ఒకటి అంటే తలుపు చెక్కతో నేను రెండు అంటా., అని. పదవుల్లో వున్నవారు మాట జారితే, మండిపోయి వున్నవారు, మండిపోతున్నవారు, ఇలాగే సెటైర్లు విసురుతారు. తప్పదు. భరించాలి.