అదిగో బిగ్ బాస్ 2.. ఇదిగో పేర్లు

బిగ్ బాస్ షో సీజన్ వన్ ముగిసింది. సీజన్ 2కి ఇంకా చాలా టైమ్ వుందని వినికిడి. అసలు సీజన్ 2కి ఇంకా ఏర్పాట్లు షురూ కాలేదు. ఎన్టీఆర్ తో అగ్రిమెంట్ కూడా జరగాల్సి వుంది. సీజన్ వన్ టైమ్ లో ఇటు తెలుగు ప్రేక్షకులకు, అటు సినిమా జనాలకు కూడా అంత అంచనాలు లేవు.

అయితే ఇప్పుడు బిగ్ బాస్ వన్ తో సినిమా జనాలకు వచ్చిన పేరు చూస్తుంటే, క్రేజ్ మొదలైంది. ఫస్ట్ సీజన్ కు టాలీవుడ్ లో అస్సులు బేరాలు లేని వారే ఎక్కువగా దొరికారు. అందరూ కాస్త డబ్బులు చేసుకున్నారు. 

ఇది చూసి టాలీవుడ్ లో ఇంకా వున్న చాలా మంది బేరాలు లేని జనాలు ఆశపడడం ప్రారంభించినట్లు వినికిడి. గతంలో కాస్త బాగానే సినిమాలు చేసి, ఇంతో అంతో జనాల్లో ఫేస్ గుర్తింపు తెచ్చుకున్న చాలా మంది సీజన్ 2కి తమ పేరు పరిశీలించాలని లయిజినింగ్ ప్రారంభించినట్లు తెలుస్తోంది.

ఈ క్రమంలో చాలా పేర్లు వినిపిస్తున్నాయి. అలా వినిపిస్తున్న పేర్లలో ఒకప్పుడు మంచి కమెడియన్ అనిపించుకున్న వేణుమాధవ్, హీరోగా బోలెడు సినిమాలు చేసినా, సక్సెస్ స్వంత చేసుకోలేకపోయిన వరుణ్ సందేశ్, ఇంకా తనీష్, ఆర్యన్ రాజేష్, వైవా హర్ష, ఏంకర్ లాస్య, గజలా ఇలా చాలా పేర్లు వినిపిస్తున్నాయి. 

అయితే అసలు సీజన్ 2 ప్రతిపాదనలు, హోస్ట్ అగ్రిమెంట్ ఇలా అన్నీ పూర్తయితే, అప్పుడు పార్టిసిపెంట్స్ వంతు వస్తుంది. అంతవరకు పేర్లు వినిపిస్తూనే వుంటాయి.