ఖాకీ టీజర్ – పవర్ ఆఫ్ ది పోలీస్

హీరో కార్తీ ఈ మధ్య కాస్త సరైన ప్లానింగ్ తో వెళ్తున్నాడు. సినిమాలు హిట్ లు, కలెక్షన్లు సంగతి అలా వుంచి, సరైన క్యారెక్టర్లు, సబ్జెక్ట్ లు ఎంచుకుంటూ, స్టడీ కెరీర్ కోసం చూసుకుంటున్నట్లు కనిపిస్తోంది. అంతే తప్ప, రెండు భాషలకు సెట్ అవ్వాలి. మాస్ జనాలు చూడాలి. భారీ సినిమా అయి వుండాలి. ఇలాంటి పడికట్టు ఫార్ములాలకు దూరంగా వుంటున్నాడు.

లేటెస్ట్ గా రెడీ అవుతున్న ఖాకీ సినిమా కూడా ఇలాగే డిఫరెంట్ గా వుండేలా కనిపిస్తోంది. కార్తీ హీరోగా ముస్తాబవుతున్న ఈ సినిమాను తెలుగులో ఆదిత్య మ్యూజిక్ సంస్థ అందిస్తోంది. సిన్మా నిర్మాణంలోకి ఆ సంస్థ రావడం ఇదే ప్రధమం. ఖాకీ సినిమా టీజర్ ఈ రోజు విడుదలయింది.

జస్ట్ ఓ జటిలమైన కేసు పరిశోధన నేపథ్యంలో అల్లుకున్న కథ అని తెలుస్తోంది. యూనిట్ కూడా అదే చెప్తోంది. ట్రూ స్టోరీస్ బ్యాక్ డ్రాప్ లో తీసిన సినిమా అని. కానీ అలా అని మరీ మామూలు పరిశోధన సినిమాల్లా కాకుండా, కాస్త డిఫరెంట్ గా, యాక్షన్ పార్ట్ తో వుంటుందని టీజర్ అలా అలా టచ్ చేసి చెప్పింది. సినిమా పట్ల ప్రేక్షకుల్లో కాస్త క్యూరియాసిటీ పెంచేలాగే వుంది టీజర్.