సాయిధరమ్ మళ్లీ చాన్సిచ్చాడా?

సాయి ధరమ్ తేజతో విన్నర్ అనే సినిమా అందించాడు దర్శకుడు గోపీచంద్ మలినేని. కానీ స్క్రిప్ట్ మీద సరిగ్గా వర్క్ చేయకపోవడంతో, ఆ సినిమా ఇంటికెళ్లిపోయింది. ఆ తరువాత మళ్లీ గోపీచంద్ మలినేనికి సినిమా లేదు ఇంతవరకు. అయితే సాయి ధరమ్ తేజనే మళ్లీ చాన్స్ ఇస్తున్నట్లు గుసగుసలు వినిపిస్తున్నాయి.

నిర్మాతలు భగవాన్, పుల్లారావుల్లో ఒకరు సాయి ధరమ్ తో ఓ ప్రాజెక్టు చేయబోతున్నట్లు వినికిడి. దానికి గోపీచంద్ మలినేని లైన్ ఒకటి ఒకె అయినట్లు తెలుస్తోంది. విన్నర్ సినిమా పెద్దగా ఫెయిల్యూర్ కాదనో, లేదా, కొత్త లైన్ బాగుందనో గోపీచంద్ కు మళ్లీ చాన్స్ ఇవ్వాలని చూస్తున్నట్లు వుంది. 

ప్రస్తుతం సాయి ధరమ్ చేస్తున్న జవాన్ ప్రాజెక్టు పూర్తయి, పక్కన వుంది. దానికి రిపేర్లు జరగాలి. వివి వినాయక్ తో చేస్తున్న ప్రాజెక్టు సెట్ మీద వుంది.