‘కడువ’ రైట్స్ కోసం యత్నాలు

రీమేక్ సినిమాల జోరు తెలుగునాట చాలా జోరుగా వుంది. అటు పవన్ కళ్యాణ్, ఇటు మెగాస్టార్, అలాగే విక్టరీ వెంకటేష్ మాగ్ఙిమమ్ రీమేక్ ల మీద వున్నారు. ముఖ్యంగా మెగాస్టార్ అయితే ఒక్కటి తప్ప అన్నీ రీమేక్ లే. 

తెలుగు, తమిళంలో ఏ సినిమా వస్తోంది అన్నది ముందే చూసి రుమాలు వేసేస్తున్నారు. లేటెస్ట్ గా మలయాళంలో రాబోతున్న సినిమా కడువ. పృధ్వీరాజ్ నటిస్తున్న ఈ సినిమా ఇంకా విడుదల కావాల్సి వుంది. 

ఈ సినిమా ఎలా వుంటుంది? అసలు కథేంటీ..తెలుగుకు పనికి వస్తుందా? ఇలాంటి విషయాలు కనుక్కుని, వీలయితే రైట్స్ కొనుక్కు రావడానికి ఓ సీనియర్ డైరక్టర్ అక్కడికి వెళ్లినట్లు తెలుస్తోంది.

మెగాస్టార్ సూచన మేరకే ఆ సీనియర్ డైరక్టర్ వెళ్లారని టాక్. చిరకాలంగా హిట్ లేదూ, సినిమా లేదు అన్నట్లున్న ఆ సీనియర్ డైరక్టర్ ఈ సినిమానే కాదు, మరేమైనా మలయాళ సినిమాలు పనికివచ్చేవి వున్నాయా? అనే ఆచూకీ కూడా తీస్తున్నారని బోగట్టా.