Epaper
ఆర్ఆర్ఆర్ లో ఎన్టీఆర్ సరసన ఎవరు నటిస్తున్నారు అన్న విషయం రేపు వెల్లడయిపోతుంది. ఈ విషయం అధికారికంగా ప్రకటిస్తారు. అయితే ఎవరు అన్న కుతూహలం ఇంకా రేపటి వరకు వుండనే వుంటుంది. విశ్వసనీయ వర్గాల బోగట్టా ప్రకారం ఓ విదేశీ థియేటర్ ఆర్టిస్ట్ ను హీరోయిన్ గా తీసుకున్నట్లు తెలుస్తోంది.
ఈమె పెద్దగా ఫెమిలియర్ కాదని, నెట్ లో అంత పాపులర్ కాదని కూడా వినిపిస్తోంది. ఓలివియా అనో ఆ పేరుకు దగ్గరగానో వున్న పేరు ఒకటి వినిపిస్తోంది. ఈ పేరునే రేపు ప్రకటిస్తారు. ఈమె విదేశాల్లో నాటకాల నటి (థియేటర్ ఆర్టిస్ట్) అని బోగట్టా.
ఇదిలా వుంటే విలన్ పేరు కూడా ప్రకటిస్తారు. అజయ్ దేవగన్ సినిమాలో వున్నాడు. ఈ విషయాన్ని ఆర్ ఆర్ ఆర్ ఆరంభంలోనే ఎక్స్ క్లూజివ్ గా వెల్లడించాం. అయితే అతని పాత్ర ఎన్టీఆర్-చరణ్ లకు గురువు లాంటది అని ఓ టాక్ వుంది. విలన్ గా కూడా విదేశీ నటుడినే తీసుకుంటున్నారని అంటున్నారు. ఈ విషయం కూడా రేపు తెలిసిపోతుంది.
ఇదిలా వుంటే సినిమా ఇప్పటికి 60శాతం పూర్తయిందని యూనిట్ వర్గాల బోగట్టా. అయితే 70 శాతం పూర్తయిందని చెబుతున్నారు. మే మధ్య వరకు షెడ్యూళ్లు వున్నాయి. అవి కొంచెం అటే అయ్యే అవకాశం వుందని తెలుస్తోంది. అందువల్ల విడదుల డేట్ విషయం ప్రస్తుతానికి పాత డేట్ నే మరోసారి ప్రకటించే అవకాశం వుంది. దగ్గర చేసి కొత్త డేట్ చెబుతారని తెలుస్తోంది.