Epaper
జ‌నసేనాని ప‌వ‌న్‌క‌ల్యాణ్‌కు మంత్రి ఆర్కే రోజా దిమ్మ తిరిగే కౌంటర్ ఇచ్చారు. ట్విట‌ర్ వేదిక‌గా ప‌వ‌న్‌కు దీటైన స‌మాధానం ఇచ్చారామె. నిన్న‌టి స‌భ‌లో ప‌వ‌న్ మాట్లాడుతూ మంత్రి రోజాపై వ్యంగ్యంగా విమ‌ర్శ‌లు గుప్పించారు. రోజా గురించి ప‌వ‌న్ ఏమ‌న్నారు, ఆ త‌ర్వాత రోజా స‌మాధానం ఏంటో తెలుసుకుందాం.
“డైమండ్ రాణి రోజా కూడా మాట్లాడుతున్నారు. చివ‌ర‌కు ఆమెతోనూ తిట్టించుకుంటున్నా. చివ‌ర‌కు నువ్వు కూడానా. ఛీ…నా బ‌తుకు చెడ” అని పవన్కల్యాణ్ వ్యంగ్యంగా విమ‌ర్శించారు. ప‌వ‌న్ త‌న‌పై చేసిన విమ‌ర్శ‌ల‌కు సోష‌ల్ మీడియాలో రోజా ఘాటైన కౌంటర్ ఇచ్చారు.
“రెండు సార్లు గెలిచిన నేను..రెండు చోట్ల ఓడిపోయిన పవన్కల్యాణ్. నీతో తిట్టించుకోవాల…? థూ… ప్ర‌జ‌ల కోసం త‌ప్ప‌ట్లేదు..!! #ప్యాకేజీస్టార్” అంటూ రోజా అదిరిపోయే కౌంటర్ ఇచ్చారు. న‌గ‌రి నుంచి రోజా రెండుసార్లు గెలుపొందారు. రెండోసారి వైసీపీ అధికారంలోకి రావ‌డం, జ‌గ‌న్ కేబినెట్ విస్త‌ర‌ణ‌లో భాగంగా మంత్రి ప‌ద‌వి ద‌క్క‌డం తెలిసిందే.
చంద్ర‌బాబు, లోకేశ్‌, ప‌వ‌న్‌క‌ల్యాణ్‌ల‌పై విమ‌ర్శ‌లు చేయ‌డంలో రోజా ముందు వ‌రుస‌లో వుంటారు. ప‌దేప‌దే రోజా విమ‌ర్శ‌లు చేయ‌డాన్ని ప‌వ‌న్ జీర్ణించుకోలేక, ఆమెను కించ‌ప‌రిచేలా వ్యంగ్య కామెంట్స్ చేయ‌డం గ‌మ‌నార్హం. ప‌వ‌న్‌ను రోజా కూడా అదే స్థాయిలో థూ …ప్ర‌జ‌ల కోసం త‌ప్ప‌ట్లేద‌ని అస‌హ్యించుకోవ‌డం విశేషం.