Epaper
పచ్చబొట్లు వేయించుకోవడం ఓ ఫ్యాషన్. మరీ ముఖ్యంగా హీరోహీరోయిన్లు ఈ ట్రెండ్ ను బాగా ఫాలో అవుతున్నారు. ఇక శృతిహాసన్ విషయానికొస్తే.. ఆమె ఒంటిపై ఏకంగా 5 పచ్చబొట్లు ఉన్నాయి. తన శరీరంపై ఎక్కడెక్కడ పచ్చబొట్లు ఉన్నాయో బయటపెట్టింది శృతిహాసన్. వీటిలో ఒక సీక్రెట్ టాటూ కూడా ఉందంటోంది.
“నాకు మణికట్టుపై గులాబీ టాటూ ఉంది. దాని వెనక ఓ కథ కూడా ఉంది. ఓ కాకి, రోజా ఫ్లవర్ కాన్సెప్ట్ తో వేయిద్దాం అనుకున్నాను. కానీ మొత్తంగా చూస్తే అదొక క్యాబేజీలా తయారైంది. అది పెర్ ఫెక్ట్ గా రాలేదు కానీ నాకు చాలా ఇష్టం. ఎందుకంటే అది లండన్ లో వేయించుకున్నాను.”
అందరికీ కనిపించే ఈ టాటూతో పాటు మరో 4 టాటూస్ ఉన్నాయంటోంది శృతిహాసన్. వీటిలో ఒక పచ్చబొట్టును వెనక వైపు, వీపు కింద భాగంలో వేయించుకున్నానని.. అదే తన సీక్రెట్ పచ్చబొట్టు అని చెబుతోంది.
“ఇక నా కుడి చెవి కింద మ్యూజికల్ సింబల్ టాటూ వేయించుకున్నాను. ఇంకో పచ్చబొట్టు నా పాదంపై ఉంది. మరో పచ్చబొట్టు నా వీపుపై ఉంది. ఇవి కాకుండా నా వీపు కింద పెద్దగా ఎవ్వరికీ కనిపించని భాగంలో మరో పచ్చబొట్టు ఉంది.”
ఇలా తన టాటూస్ సీక్రెట్స్ బయటపెట్టింది శృతిహాసన్. ఒకటి ఫ్రెండ్ షిప్ కోసం, ఒకటి తల్లిదండ్రుల కోసం, ఇంకొకటి తనకోసం.. ఇలా వివిధ సందర్భాలకు గుర్తుగా 5 పచ్చబొట్లు పొడిపించుకున్నట్టు తెలిపింది శృతిహాసన్.