Epaper
వ‌య్యారి భామ త‌మ‌న్నా ఇకపై త‌న ముద్దు ముద్దు మాట‌లు, మ‌త్తెక్కించే అంద‌చందాల‌తో కొత్త గెట‌ప్‌లో అభిమానుల‌ను అల‌రించ‌నున్నారు. త‌న నాజూకుత‌నంతో విశేష సంఖ్య‌లో అభిమానుల‌ను సంపాదించుకున్న హీరోయిన్ త‌మ‌న్నా…కొత్త అవ‌తారంలో సోష‌ల్ మీడియాకు క్రేజ్ తీసుక‌రానున్నారు.
లాక్‌డౌన్ కార‌ణంగా షూటింగ్‌లు ఆగిపోవ‌డం, థియేట‌ర్లు మూసివేయ‌డంతో చిత్ర ప‌రిశ్ర‌మ వ్యాపారులు వినోదాన్ని పంచేందుకు సృజ‌నాత్మ‌క‌త‌కు ప‌దును పెట్టారు. ఈ నేప‌థ్యంలో ఓటీటీల‌కు ఆద‌ర‌ణ పెరిగింది. తాజాగా సినిమాల విడుద‌లంటే ఓటీటీలే గుర్తుకొస్తున్నాయి. ప్ర‌జ‌లు ఎప్పుడూ కొత్త‌ద‌నాన్నే కోరుకుంటారు. సృజ‌నాత్మ‌క, గ్లామ‌ర్ రంగాల్లో రాణించాలంటే వైవిధ్య‌మైన కార్య‌క్ర‌మాల‌ను రూపొందించ‌క త‌ప్ప‌ని స‌రి.
ఈ నేప‌థ్యంలో ప్ర‌ముఖ టాలీవుడ్ నిర్మాత అల్లు అరవింద్ అహా అనే ఓటీటీని ఇటీవ‌ల స్టార్ట్ చేసిన విష‌యం తెలిసిందే. ఇందులో భాగంగా అల్లు అరవింద్ నెటిజ‌న్ల ఆకాంక్ష‌లు, ఆలోచ‌న‌ల‌కు అనుగుణంగా వైవిధ్య‌భ‌రిత‌మైన కార్య‌క్ర‌మానికి శ్రీ‌కారం చుట్టారు. ఈ సంద‌ర్భంగా మిల్కీ బ్యూటీ త‌మ‌న్నాతో ప్ర‌త్యేకంగా ఓ టాక్ షో నిర్వ‌హించేందుకు ఏర్పాట్లు చేసిన‌ట్టు స‌మాచారం.
టాక్ షో కోసం త‌మ‌న్నాతో అల్లు అర్జున్ చ‌ర్చ‌లు కూడా పూర్త‌యిన‌ట్టు తెలిసింది. టాక్ షో హోస్ట్‌గా వ్య‌వ‌హ‌రించేందుకు త‌మ‌న్నా గ్రీన్ సిగ్న‌ల్ ఇచ్చిన‌ట్టు స‌మాచారం. చాలా కాలంగా త‌నలో బ‌లంగా నాటుకున్న కోరిక తీరే క్ష‌ణం వ‌చ్చిన‌ట్టు త‌మ‌న్నా అన్నార‌ని తెలిసింది.
ఈ షోలో అల్లు అర్జున్, రామ్ చ‌ర‌ణ్‌, ర‌వితేజ త‌దిత‌ర స్టార్ హీరోల‌తో పాటు హీరోయిన్ల‌ని కూడా త‌న ప్ర‌శ్న‌ల‌తో టాక్ షోను ర‌క్తి క‌ట్టించ‌నున్నారు. ఈ టాక్ షో విష‌య‌మై త్వ‌ర‌లోనే అనౌన్స్‌మెంట్ రానున్న‌ట్టు స‌మాచారం.