డిజె టుల్లు వచ్చేసాడు

కృష్ణ అండ్ హిజ్ లీల సినిమాతో ఒక్కసారిగా ఆడియన్స్ దృష్టిని తనవైపు తిప్పుకున్నాడు సిద్దు జొన్నలగడ్డ. ఆ తరువాత చేస్తున్న సినిమా టైటిల్ ను ఇప్పుడు అనౌన్స్ చేసారు.  

సితార సంస్థ నిర్మించే ఈ సినిమాకు టైటిల్ ముందుగా 'నరుడి బతుకు నటన' అని అనుకున్నారు. కానీ అది అంత మాస్ గా లేదని ఇప్పుడు మార్చారు.

డిజె టుల్లు అనే హీరో క్యారెక్టర్ నే సినిమాకు టైటిల్ గా ఫిక్స్ చేసారు. అట్లుంటది మనతోని అనే ట్యాగ్ లైన్ తగిలించారు. సినిమాలో హీరో టోటల్ గా తెలంగాణ శైలిలోనే మాట్లాడతాడు. గమ్మత్తేమిటంటే డిజె టుల్లు పాత్ర ఛాయల్లో 'అర్జున్ రెడ్డి ' కాస్త కనిపిస్తాడని బోగట్టా.

సరిగ్గా ఆ సినిమా విడుదల డేట్ అయిన ఆగస్టు 25నే ఈ సినిమా టైటిల్, లుక్ అనౌన్స్ చేయడం విశేషం. ఈ సినిమాలో కేవలం నటించడం మాత్రమే కాకుండా, క్రియేటివ్ సైడ్ కూడా సిద్దు వర్క్ చేయడం విశేషం.