విలన్ పాత్రకు ఫిక్స్ అయిపోయాడు

ఆర్ ఎక్స్ 100 సినిమాతో ఒక్కసారిగా పాపులర్ అయ్యాడు కార్తికేయ. ఆ తరువాత హిప్పీ అనే సినిమా చేస్తున్నాడు. లేటెస్ట్ గా గుణ 369 అనే సినిమా కూడా అనౌన్స్ చేసాడు. అయితే ఈ రెండూ హీరోగా. కానీ ఓ సినిమాను విలన్ గా చేస్తున్నాడని, నాని-విక్రమ్ కుమార్ సినిమాలో విలన్ ఇతగాడే అని కొన్నాళ్ల క్రితం గ్యాసిప్ లు గుప్పుమన్నాయి.

అయితే ఇప్పుడు అది వాస్తవరూపం దాల్చినట్లు తెలుస్తోంది. పూర్తిగా కట్ థ్రోట్ విలన్ పాత్రను చేయాలా? వద్దా? అని ఊగిసలాడినా, ఆఖరికి చేయడానికే డిసైడ్ అయిపోయి, ముందుకు వెళ్లిపోయినట్లు తెలుస్తోంది. సినిమాలో దారుణమైన హత్యలు చేసే విలన్ గా కార్తికేయ కనిపిస్తాడని తెలుస్తోంది.

ఈ సినిమాలో హీరో నాని మరో సినిమాలో విలన్ గా చేస్తుంటే, వేరే సినిమాల్లో హీరో అయిన కార్తికేయ ఈ సినిమాలో విలన్ కావడం చూస్తుంటే, యంగ్ హీరోలు వెరైటీ పాత్రల కోసం ఎంతగా ఎదురుచూస్తున్నారో అర్థం అవుతుంది.