మహర్షి మూడు గంటలకు కాస్త తక్కువగా

మహేష్ బాబు-వంశీ పైడిపల్లి కాంబినేషన్ లోని మహర్షి సినిమా ఫైనల్ కాపీ రెడీ అయింది. నిన్నటికి నిన్న సినిమా యూనిట్ లోని కీలక బాధ్యులు కాపీ చూసుకుని, ఫైనల్ వెర్షన్ లాక్ చేసినట్లు బోగట్టా.

అన్నీ కలిపి దాదాపు 170 నిమషాల వరకు వచ్చినట్లు తెలుస్తోంది. అంటే మూడు గంటలకు పది నిమషాలు తక్కువ అన్నమాట.వాస్తవానికి సినిమా ఫుటేజ్ నాలుగు గంటల వరకు వచ్చినట్లు గతంలో వార్తలు వినిపించాయి. దానిని మూడు గంటల లోపులోకి తీసుకువచ్చారు.

ఫైనల్ కాపీ చూసిన నిర్మాత దిల్ రాజు తదితరులు ఫుల్ హ్యాపీ గా వున్నట్లు తెలుస్తోంది. సినిమా మార్కెటింగ్ వర్క్ పూర్తయింది.

ఎడిటింగ్ వర్క్ పూర్తయింది. ఇక ట్రయిలర్ విడుదల, ప్రచారం మిగిలి వుంది. అలాగే మరి కొన్ని పాటలు కూడా విడుదల చేయాల్సి వుంది. ట్రయిలర్ ను మే 2నుంచి అన్ని ధియేటర్లలో వేయడానికి ఏర్పాట్లు చేస్తున్నారు.

మే 1న ప్రీ రిలీజ్ ఈవెంట్ అయిన తరువాత మహేష్ బాబు సినిమా ప్రచారానికి దిగుతారు. ఈ సినిమా పబ్లిసిటీ యాక్టివిటీని నమ్రత పీఆర్ టీమ్ డిజైన్ చేస్తున్నట్లు బోగట్టా.

శ్రీమంతుడు సినిమా దగ్గర నుంచి మహేష్ బాబు ప్రీ రిలీజ్ పబ్లిసిటీ మీద కాస్త గట్టిగానే వర్క్ చేస్తూ వస్తున్నారు. మరి ఈ సినిమాకు కూడా అదే రకంగా ప్లాన్ చేస్తున్నట్లు తెలుస్తోంది.