Epaper
ఈరోజు బోయపాటి శ్రీను పుట్టినరోజు. అంతా బాలయ్య సినిమా అప్ డేట్ కోసం వెయిటింగ్. సరిగ్గా టైమ్ చూసి బోయపాటికి హ్యాండ్ ఇచ్చాడు బాలయ్య. పుట్టినరోజుతో అతడికి ఊహించని జర్క్ ఇచ్చాడు. అవును… ఈ దర్శకుడితో సినిమా చేయడం లేదు బాలయ్య. సరిగ్గా బోయపాటి పుట్టినరోజు నాడు తన కొత్త సినిమాను ఎనౌన్స్ చేశాడు.
కేఎస్ రవికుమార్ దర్శకత్వంలో ఓ సినిమాకు గ్రీన్ సిగ్నల్ ఇచ్చాడు బాలకృష్ణ. మే నెలలో ఈ సినిమా ప్రారంభం అవుతుంది. జూన్ నుంచి రెగ్యులర్ షూటింగ్ స్టార్ట్ చేస్తారు. బాలయ్య-కేఎస్ రవికుమార్-నిర్మాత సి.కల్యాణ్ కాంబోలో గతంలో గతంలో జైసింహా సినిమా వచ్చింది. ఇప్పుడు మరోసారి అదే కాంబినేషన్ యథాతథంగా రిపీట్ కాబోతోంది. అంటే దీనర్థం ఇప్పటికిప్పుడు బోయపాటి సినిమా లేనట్టే.
తన నెక్ట్స్ సినిమా బాలయ్యతోనే ఉంటుందనే పదేపదే చెప్పుకొచ్చాడు బోయపాటి. మొన్నటికిమొన్న తిరుమలలో కూడా మీడియాకు ఇదే విషయం చెప్పాడు. స్టోరీ-స్క్రీన్ ప్లే కూడా రెడీగా ఉందన్నాడు. కట్ చేస్తే, ఇప్పుడు బోయపాటి ప్లేస్ లోకి కేఎస్ రవికుమార్ వచ్చిచేరాడు.
బోయపాటికి ఛాన్స్ మిస్ అవ్వడానికి వినయ విధేయ రామ సినిమా డిజాస్టర్ అవ్వడమే కారణం అంటున్నారు చాలామంది. అదే నిజం అనుకుంటే.. ఇంతకంటే పెద్ద డిజాస్టర్లు తీసిన దర్శకులకే బాలయ్య వెంటవెంటనే అవకాశాలిచ్చాడు. కాబట్టి ఇది సరైన రీజన్ కాదు. ఇంకేదో ఉంది!