Epaper
నాగచైతన్య.. సమంత జోడీ వాల్యూ బాగుంది. వాళ్లిద్దరు కలిసి నటిస్తున్న మజిలీ సినిమాకు మంచి డబ్బులు వస్తున్నాయి. ఈ సినిమా శాటిలైట్ ను జెమినికి అయిదుకోట్ల రేంజ్ లో ఇచ్చేసారు. డిజిటల్ రైట్స్ ను అమెజాన్ కు మూడున్నర కోట్లకు, హిందీ డబ్బింగ్ రైట్స్ కూడా మంచి రేటుకు ఇచ్చేసినట్లు తెలుస్తోంది.
షైన్ స్క్రీన్స్ పతాకం మీద సాహు గారపాటి, హరీష్ పెద్ది నిర్మిస్తున్న ఈ సినిమాకు శివ నిర్వాణ దర్శకుడు. విఫలప్రేమ, క్రికెట్, పెళ్లయిన దంపతుల మధ్య సమస్యలు వీటన్నింటిని కలబోసి శివనిర్వాణ కథ అల్లుకున్నారు. సమంత, నాగచైతన్య దంపతులుగా కనిపిస్తారు. దివ్యాంశ కౌశిక్ కీలకపాత్రలో కనిపిస్తుంది. గోపీసుందర్ సంగీతం అందిస్తున్న ఈ సినిమా ఏప్రియల్ 5న విడుదల కాబోతోంది.
రంగస్థలం, యుటర్న్ లాంటి హిట్ ల తరువాత సమంత నటించడం, అలాగే పెళ్లయిన తరువాత చైతూ-సమంత కలిపి నటించడం వల్ల ఈ సినిమాకు క్రేజ్ వచ్చింది. సమ్మర్ ప్రారంభంలో, ఎగ్జామ్స్ ముగిసిన వెంటనే వస్తున్న చిత్రాల్లో ఇది ఒకటి. నిఖిల్ 'అర్జున్ సురవరం' ఆ తరువాత మజిలీ థియేటర్లలోకి వస్తున్నాయి. అర్జున్ సురవరం యూత్ జోనర్ అయితే, మజిలీ మల్టీజోనర్ కావడం విశేషం.