Epaper
మైత్రీమూవీస్ కు, దర్శకుడు సుకుమార్ కు ఓ భారం తీరిపోయింది. సూపర్ స్టార్ మహేష్ బాబు గ్రీన్ సిగ్నల్ ఇచ్చేసాడు. ఇన్నాళ్లు మహేష్ బాబుకు ఇదే సమస్య. సుకుమార్ లాంటి పెద్ద దర్శకుడిని పక్కనపెట్టి, ఇగో హర్ట్ చేసి, అనిల్ రావిపూడితో ముందుకు వెళ్లాలి అంటే కాస్త ఎంబ్రాసింగ్ గా వుంది. ఇక ఇప్పుడు ఆ సమస్యలేదు.
సుకుమార్ నిన్నటికి నిన్న కొత్త లైన్ తో మహేష్ ను కలిసారు. ఆ లైన్ ను మహేష్ ఓకె చేసారు. టోటల్ స్క్రిప్ట్ డెవలప్ చేయమని చెప్పేసారు. అంతేకాదు. ఇప్పటిదాకా తాను సమాంతరంగా సినిమాలు చేయలేదని, ఒకవేళ బౌండ్ స్క్రిప్ట్ రెడీ అయితే, అనిల్ రావిపూడి సినిమాతో పాటు ఇది కూడా చేస్తానని మాట ఇచ్చారు.
అనిల్ రావిపూడి సినిమాను నిర్మాత దిల్ రాజు- అనిల్ సుంకర కలిసి నిర్మిస్తారు. ఈ సినిమానే ముందుగా ప్రారంభం అవుతుంది. ఆ తరువాత వీలును, అవకాశాన్ని బట్టి సుకుమార్ సినిమాకు డేట్లు కేటాయిస్తారు. ఆ సినిమాను మైత్రీమూవీస్ నిర్మిస్తుంది.
ఈ రెండు సినిమాలు పూర్తి చేసుకుని, రాజమౌళి-కేఎల్ నారాయణ సినిమా మీదకు వెళ్లాలన్నది మహేష్ బాబు ప్లాన్.