ఇప్పటికైనా ఈ ముద్దుగుమ్మల్ని పట్టించుకుంటారా!

ఒకటికాదు, రెండుకాదు.. బ్యాక్ టు బ్యాక్ 5 ఫ్లాపులిచ్చింది మెహ్రీన్. ఇక ఈమె పనైపోయిందని అంతా ఫిక్స్ అయ్యారు. అటు తమన్న పరిస్థితి కూడా అంతే. బాహుబలి-2 తర్వాత ఒక్కటంటే ఒక్క హిట్ లేదు. ఈమె టైమ్ కూడా అయిందన్నారంతా. సరిగ్గా ఇలాంటి టైమ్ లో వీళ్లిద్దరికీ ఒకేసారి హిట్ వచ్చింది. అదే ఎఫ్2.

ఇలాంటి ఇద్దరు ఫ్లాప్ హీరోయిన్లను పెట్టి ఎఫ్2 లాంటి గ్రాండ్ హిట్ కొట్టాడు దర్శకుడు అనీల్ రావిపూడి. ఊహించని విధంగా సక్సెస్ రావడంతో ప్రస్తుతం ఈ ముద్దుగుమ్మలిద్దరూ పండగ చేసుకుంటున్నారు. ఈ సక్సెస్ తో తమ కెరీర్ ను మరికొన్నాళ్లు పొడిగించుకోవడానికి చూస్తున్నారు.

అయితే ఎఫ్2 సక్సెస్ వీళ్లకు ఏమాత్రం కలిసొస్తుందనే అప్పుడే చెప్పలేం. ప్రస్తుతం మిల్కీబ్యూటీ చేతిలో సైరా సినిమా మాత్రమే ఉంది. ఎఫ్2 తర్వాత ఆమె కొత్తగా ఒప్పుకున్న సినిమా లేదు. అటు మెహ్రీన్ కూడా ఇంకా ఎఫ్2 సక్సెస్ నే ఎంజాయ్ చేస్తోంది.

కొత్తగా మరే సినిమాకు కమిట్ అవ్వలేదు. వీళ్లిద్దరికీ ఎఫ్2 సినిమా ఎలాంటి అవకాశాలు అందిస్తుందో చూడాలి.

పవన్ ఒంటరిగా పోటీచేస్తే ఎవరికి లాభం?

రామ్ చరణ్ స్టామినా ఇది..!