వినయ విధేయ సాంగ్ వస్తోంది

సంక్రాంతి విడుదల సినిమాల ప్రచారం షురూ అవుతోంది. సంక్రాంతి సినిమాల్లో ఎన్టీఆర్ బయోపిక్ హడావుడి ఎక్కువ వుంది. వారానికో స్టిల్ అన్నట్లుగా ఇచ్చుకుంటూ వస్తూ, దాని బజ్ పెంచుతున్నారు. మిగిలిన సినిమాలు ఇంకా ప్రచారం మెల్లగా మొదలుపెడుతున్నాయి.

బోయపాటి-రామ్ చరణ్ కాంబినేషన్ లోని వినయ విధేయరామ టైటిల్ అనౌన్స్ మెంట్, టీజర్, ఫస్ట్ లుక్ వచ్చేసాయి. ఇక ఇప్పుడు సాంగ్స్ విడుదలపై దృష్టిపెట్టారు. అలాగే ఎన్టీఆర్ బయోపిక్ సాంగ్ కూడా రాబోతున్న సంగతి తెలిసిందే.

ఈ వీకెండ్ లో ఆదివారం ఎన్టీఆర్ బయోపిక్ సాంగ్ వస్తోంది. సోమవారం నాడు వినయ విధేయ ఫస్ట్ సాంగ్ విడుదలకు బోయపాటి ముహుర్తం పెట్టించారు. బాలయ్య, బోయపాటి ఇద్దరికీ విపరీతమైన ముహర్తాల నమ్మకం వుంది. అందుకే నిమషాలు, సెకెండ్లతో సహా ముహుర్తాలు ఫిక్స్ చేసారు.

వినయ విధేయ తొలి పాట ఫ్యామిలీ సాంగ్ కావడం విశేషం. సినిమాలో అన్నదమ్ముల అనుబంధం కీలకంగా వుంటుంది కాబట్టి, తొలి సాంగ్ గా ఫ్యామిలీ సాంగ్ విడుదల చేస్తున్నట్లు తెలుస్తోంది.