పేపర్ బాయ్ ముందుకు వస్తున్నాడు

అవకాశం ఎప్పుడు వస్తుందో తెలియదు. వచ్చినపుడు వాడేసుకోవాలంతే. పేపర్ బాయ్ ఇప్పుడు అదే చేసేటట్లు కనిపిస్తున్నాడు. సంపత్ నంది డైరక్షన్ లో తయారైన సినిమా పేపర్ బాయ్. ఇటీవలే టీజర్ వచ్చి అందరి దృష్టిని ఆకర్షించింది. ఈ సినిమా విడుదల వాస్తవానికి సెప్టెంబర్ 7న అనుకున్నారు. కానీ అక్కడ విపరీతమైన పోటీ వచ్చిపడింది.

అల్లరి నరేష్-సునీల్ ల సిల్లీ ఫెలోస్, నిర్వాణ ఫిలింస్ మను, మరో చిన్న సినిమా అదేరోజు విడుదలకు షెడ్యూలు అయ్యాయి. ఈ మూడింటితో పేపర్ బాయ్ రావాల్సివుంది. ఇలాంటి టైమ్ లో మారుతి-నాగచైతన్యల శైలజారెడ్డి అల్లుడు సినిమా వాయిదా పడుతున్నట్లు వార్తలు స్టార్ట్ అయ్యాయి. ఈ సినిమా అయితే సెప్టెంబర్ 6 లేదా 14కు వెళ్లేలా వుంది. ఆ స్లాట్ ఖాళీ. దానికోసం వుంచిన థియేటర్లు ఖాళీ.

అందుకే ఆ స్లాట్ లోకి వచ్చేయాలని చూస్తున్నాడు పేపర్ బాయ్. ఎలాగూ ముందురోజు నర్తనశాల అయిపోతుంది. మర్నాడు సోలోగా బరిలోకి దిగవచ్చు. ఫస్ట్ కాపీ ఎలాగూ రెడీగా వుంది. పబ్లిసిటీ ప్లాన్ చేసుకోగలిగితే చాలు. ఓ మాంచి ఫ్రీరిలీజ్ ఫంక్షన్ కాస్త భారీగా చేస్తే సరిపోతుంది. ప్రస్తుతానికి బయ్యర్లతో డిస్కషన్లు సాగుతున్నాయి. అవి ఫైనల్ అయితే పేపర్ బాయ్ డేట్ ఫైనల్ అయిపోతుంది.