ఎన్టీఆర్ ఇంట్లో బయోపిక్

ఎన్టీఆర్ బయోపిక్ షూట్ చాలాఫాస్ట్ గా సాగుతోంది. ఇంకా అయిదు నెలలు టైమ్ వుంది. కానీ వర్క్ చాలావుంది. అటు సీజీ వర్క్, ఇటు రెగ్యులర్ వర్క్ పూర్తికావాలి. అందుకే ఎక్కడా గ్యాప్ తీసుకోవడంలేదు. ఇదిలా వుంటే ఎన్టీఆర్ హైదరాబాద్ వచ్చిన కొత్తలో నివసించిన ఇంట్లొ ఇప్పుడు బయోపిక్ సీన్లు చిత్రీకరిస్తున్నారు. 

అబిడ్స్ ప్రాంతంలోని ఈ ఇంట్లో ఎన్టీఆర్-బసవరామతారకం-చంద్రబాబు నాయుడుల మధ్య వచ్చే కొన్ని కీలక సన్నివేశాలు చిత్రీకరిస్తున్నారు. బాలయ్య -విద్యాబాలన్-రానాలు ఈ పాత్రలు పోషిస్తున్నారు. కానీ సన్నివేశాల నడుమ హరికృష్ణ పాత్రలేదని అనుకోవాలి. ఎందుకంటే హరికృష్ణ పాత్రధారి కళ్యాణ్ రామ్ ఇప్పటివరకు ఇంకా మేకప్ వేసుకోలేదు.

బహుశా కేవలం చైతన్య రథం సీన్లకే కళ్యాణ్ రామ్ పరిమితం అవుతారేమో? అయితే ఇప్పటికే కళ్యాణ్ రామ్ కు మేకప్ టెస్ట్ గెటప్ టెస్ట్ జరిగినట్లు తెలుస్తోంది.