Epaper
ఈతరం కుర్రకారు క్రేజీ స్టార్ విజయ్ దేవరకొండ. నిన్నటికి నేటికి మెగాస్టార్ చిరంజీవి. ఈ ఇద్దరు ఒకే వేదిక మీదకు వస్తున్నారు. ఈనెల 12న విశాఖ ఆర్కేబీచ్ లో జరగబోయే గీత గోవిందం ప్రీరిలీజ్ ఫంక్షన్ అందుకు వేదిక కాబోతోంది. మెగా హీరోలు లేదా మెగా క్యాంప్ తో కనెక్షన్ వున్న సినిమాల పంక్షన్ లు అంటే చిరంజీవి హాజరు తప్పనిసరిగా వుంటోంది ఈ మధ్య.
గీత గోవిందం సినిమా గీతాఆర్ట్స్ సంస్థ నుంచి వస్తోంది. గీతాఆర్ట్స్ అంటే మెగాస్టార్ కు ఆత్మీయ సంస్థ. అందుకే గీత గోవిందం సినిమా ఫంక్షన్ కు చిరు హాజరవుతారని తెలుస్తోంది. ఆల్రడీ హైదరాబాద్ లో జరిగిన అడియో ఫంక్షన్ కు బన్నీ గెస్ట్ గా వచ్చాడు. ఫంక్షన్ సూపర్ సక్సెస్ అయింది. విశాఖలో పబ్లిక్ గా బీచ్ లో చేస్తున్నారు. ఇంకే రేంజ్ లో వుంటుందో మరి.
పైగా గంటా శ్రీనివాసరావు లాంటి లోకల్ పొలిటికల్ జనాలు కూడా ఈ ఫంక్షన్ కు హాజరవుతారు. విజయ్ దేవరకొండ-రష్మీ మడొన్న నటించిన గీతగోవిందం సినిమాకు పరుశురామ్ దర్శకుడు. ఈ నెల15న ఈ సినిమా విడుదలవుతోంది.