అడవి శేష్ ‘ఎవరు?’

క్షణం సినిమాతో తనకు ఏ జోనర్ సినిమాలు అయితే బాగుంటాయో అన్నది ఓ క్లారిటీ వచ్చేసింది హీరో అడవి శేష్ కు. ఆ సినిమా పెద్ద హిట్. అతగాడి కెరీర్ ను టర్న్ చేసింది. గూఢచారి సినిమాకు వచ్చిన ఓపెనింగ్స్ నే చెబుతాయి, క్షణం సినిమా జనాల మీద ఎంత ముద్ర వేసిందో.

కోటిన్నర ఖర్చుతో క్షణం సినిమా తయారుచేస్తే, ఆరున్నర కోట్లతో గూఢచారి సినిమా తయారైంది. ఈ సినిమాతో అడవిశేష్ పూర్తిగా ఇండస్ట్రీ దృష్టిని ఆకర్షించాడు. అతగాడి తరువాతి సినిమా ఏంటీ? అన్నది చాలామంది క్వశ్చను. దానికి సమాధానం ఇదే.

క్షణం సినిమా తయారైన పివిపి బ్యానర్ లోనే అడవిశేష్ తరువాత సినిమా రెడీ అవుతోంది. ఇప్పటికే కొంత వర్క్ జరిగింది కూడా. ఇది కూడా థ్రిల్లర్ జోనర్ నే. సినిమాకు టైటిల్ ఎవరు? ఈసారి అడవి శేష్ సరసన ఈ సినిమాలో రెజీనా నటిస్తోంది. ఎవరు? సినిమా కూడా సేఫ్ బడ్జెట్ తో తయారవుతున్న సినిమానే. దాని తరువాత ఏం చేస్తాడో, ఎవరికి చేస్తాడో చూడాలి.

ఎవరికన్నా ముందుగా టూ స్టేట్స్ ఆధారంగా తయారవుతున్న సినిమాలో నటిస్తున్నాడు. నటి జీవిత కూతురు హీరోయిన్.