Epaper
చాలా గ్యాప్ తరువాత బయట కనిపించాడు విక్టరీ వెంకటేష్. ఎప్ 2 మల్టీ స్టారర్ ఓపెనింగ్ కు వెంకీ హాజరయ్యారు. ఈ సినిమాలో యంగ్ హీరో వరుణ్ తేజ తో కలిసి వెంకీ నటిస్తున్న సంగతి తెలిసిందే. అనిల్ రావిపూడి దర్శకుడు.
గురు సినిమా కోసం కాస్త ఏజ్డ్ లుక్ తో, కండలు తిరిగిన బాడీతో కనిపించిన వెంకీ, ఇప్పుడు పూర్తిగా గెడ్డం తీసేసి, ఫుల్ బ్లాక్ హెయిర్ తో కనిపించాడు. ఆ సంగతి ఎలా వున్నా, ఫిజిక్ చూస్తే, బాగా తగ్గినట్లు కనిపిస్తున్నాడు. మొహం కూడా కాస్త వడలినట్లు కనిపిస్తోంది. ఎలా లేదన్నా ఏజ్ ఫ్యాక్టర్ కొంత వుంటుంది కదా.
అయితే ఇదే సినిమాలో వెంకీతో కలిసి నటిస్తున్న వరుణ్ తేజ్ వ్యవహారం రివర్స్ లో వుంది. వరుణ్ తెజ్ కూడా ఈ మధ్య సినిమాలతో ఫుల్ బిజీగా వున్నాడు. అందువల్ల బయటకు రాలేదు. ఇప్పుడు వరుణ్ తేజ్ ను చూస్తుంటే, గతంలో కన్నా కాస్త వళ్లు చేసినట్లు కనిపించాడు. అంతపొడవు వున్నా కూడా వరుణ్ కాస్త లావుగానే కనిపించాడు. పైగా మొహంలో బుగ్గులు కూడా బాగా వచ్చాయి.