ఒకటి హిట్.. ఇంకోటి ఫ్లాప్.. కెమిస్ట్రీనే తేడా

24 గంటల గ్యాప్ లో రెండు ప్రేమకథలు
ఫలితాలు మాత్రం రివర్స్
తేడా ఒకే ఒక్కటే.. ఆన్ స్క్రీన్ కెమిస్ట్రీ

లవ్ స్టోరీస్ లో ఏదున్నా లేకపోయినా హీరోహీరోయిన్ల కెమిస్ట్రీ మాత్రం పండాలి. అదుంటే సినిమా సగం పాస్ అయిపోయినట్టే. సరిగ్గా ఇదే యాంగిల్ లో ఒక సినిమా హిట్ అయితే.. మరో మూవీ ఫ్లాప్ అయింది. ఈ వీకెండ్ ఎట్రాక్షన్ గా థియేటర్లలోకి వచ్చిన ఆ రెండు సినిమాలే సమ్మోహనం, నా నువ్వే.

24 గంటల గ్యాప్ లో విడుదలయ్యాయి నా నువ్వే, సమ్మోహనం సినిమాలు. వీటిలో సమ్మోహనం సినిమా గురించి ముందుగా మాట్లాడుకుందాం. హీరో సుధీర్ బాబు, హీరోయిన్ అదితిరావు ఈ సినిమాకు మెయిన్ ఎస్సెట్. వీళ్లిద్దరి కెమిస్ట్రీ సినిమాను పరుగులు పెట్టించింది. ప్రేక్షకులందర్నీ కామన్ గా కనెక్ట్ చేసింది ఈ ఎలిమెంటే. వీళ్లిద్దరూ కలిసి ఆడియన్స్ కు ఎన్నో అనుభూతులు పంచారు. 

సరిగ్గా ఇదే మేజిక్ మిస్ అయింది నా నువ్వే సినిమాలో. కల్యాణ్ రామ్, తమన్న జంటగా నటించిన ఈ సినిమా అనుభూతుల్ని పంచడం మాట అటుంచి, అసహనాన్ని పెంచింది. హీరోహీరోయిన్ల కెమిస్ట్రీ అత్యంత కృతకంగా అనిపించింది. అందుకే ఆ సినిమా ఫెయిల్ అయింది.

మొదటిరోజు వసూళ్లలో ఆఫీసర్ తో పోటీపడింది నా నువ్వే సినిమా. నైజాం మినహాయిస్తే.. మిగతా అన్ని ఏరియాల్లో సింగిల్ డిజిట్ నంబర్లే. వెస్ట్ లో 4 లక్షలు, ఈస్ట్ లో 7 లక్షలు, గుంటూరు 5 లక్షలు, నెల్లూరు 2 లక్షలు.. ఇలా ఉన్నాయి నా నువ్వే వసూళ్లు. అదే సమ్మోహనం విషయానికొస్తే.. ఈ రోజుతో పోల్చుకుంటే రేపు, ఎల్లుండి ఈ సినిమాకు వసూళ్లు ఇంకా పెరిగే అవకాశాలున్నాయి.

మొత్తమ్మీద 24 గంటల వ్యవధిలో వచ్చిన ఈ రెండు సినిమాల్లో సమ్మోహనంపై పైచేయిగా నిలిచింది.