మళ్లీ కొండలెక్కనున్న ప్రభాస్

బాహుబలిలో హీరోయిన్ తమన్నా కోసం కష్టపడి, రిస్క్ చేసి మరీ కొండలెక్కాడు హీరో ప్రభాస్. త్వరలో మరోసారి కొండల్లో, కోనల్లో తిరగబోతున్నాడట. అయితే ఇదంతా ఇప్పుడే కాదు. మరి కాస్త టైమ్ వుంది.

విషయం ఏమిటంటే, ప్రభాస్ ప్రస్తుతం సాహో సినిమా చేస్తున్నాడు. ఇదంతా హై ఫై జేమ్స్ బాండ్ సినిమా. అచ్చమైన ఇండీ జేమ్స్ బాండ్ సినిమా అన్నమాట.

ఈ సినిమా తరువాత రాధాకృష్ణ డైరక్షన్ లో అచ్చమైన లవ్ స్టోరీ ఒకటి చేయబోతున్నాడు. ఈ సినిమాలోనే హీరో కొండల్లోకి వెళ్తాడట. హీరోయిన్ వెదుక్కుంటూ కొండల్లోకి వెళ్లి, కొండలెక్కి, ఆమెను కనుగొనే దానికి కాస్త దగ్గరగా వుంటుందట కథ. లైన్, ఇతరత్రా వ్యవహారాల సంగతి వదిలేస్తే, ఈ సినిమా షూట్ మాత్రం కొండ కోనల్లో వుంటుందని తెలుస్తోంది.

మన దగ్గర మౌంటనీరింగ్, ట్రెక్కింగ్ టైపు సినిమాలు తక్కువ. ఎవడే సుబ్రహ్మణ్యం కొంత వరకు కవర్ చేసింది. ఇప్పుడు ప్రభాస్ సినిమా కాస్త ఎక్కువగానే కవర్ చేస్తుందని తెలుస్తోంది.