Epaper
నాగశౌర్య నటించిన లేటేస్ట్ సినిమా అమ్మమ్మగారిల్లు. ఈ సినిమా అన్ని పనులు పూర్తి చేసుకుని విడుదలకు సిద్ధమైంది. అయితే మార్కెటింగ్ ఇంకా స్టార్ట్ చేయలేదు. ఇప్పుడు బోణీ కొట్టింది.
శాటిలైట్ హక్కులను జెమినీకి 2.75 కోట్లకు విక్రయించింది. స్వాజిత్ మూవీస్ పతాకంపై రాజేష్, కేఆర్ లు నిర్మించిన ఈ సినిమాకు సుందర్ సూర్య దర్శకుడు. ఒకప్పుడు బేబీగా, తరువాత హీరోయిన్ గా నటించిన షామిలి, చాలా కాలం తరువాత మళ్లీ తెలుగులో హీరోయిన్ గా ఈ సినిమాలో నటిస్తోంది.
సీతారామయ్య గారి మనవరాలు, శతమానంభవతి లాంటి సినిమాలో కోవలో కథ రాసుకుని, ఈస్ట్ గోదావరి నేపథ్యంలో చిత్రీకరించిన ఈ సినిమాలో రెండే పాటలు వుంటాయి. సినిమాను సమ్మర్ లో విడుదలకు సన్నాహాలు చేస్నున్నారు.
మరి ఈ సినిమా ప్రచారానికైనా హీరో నాగశౌర్య సహకరిస్తాడేమో చూడాలి. ఇంతకు ముందు చేసిన కణం సినిమా ప్రచారానికి హీరో దూరంగా వున్నాడు. ఆ సినిమా హీరోయిన్ సాయి పల్లవితో వచ్చిన విబేధాలే కారణం అని టాక్ వుంది.
మరి ఈ సినిమా ప్రచారానికి కూడా నాగశౌర్య సహకరించకపోతే, ఛలో తరువాత మళ్లీ నాగశౌర్యకు రెండు సినిమాలతో తేడా వచ్చినట్లు అవుతుంది. స్వంత సినిమా అయితేనే నాగశౌర్య ప్రమోట్ చేస్తారా? అన్న అనుమానాలు కలుగుతాయి. నిఖిల్ లాంటి వాళ్లు సినిమాను ప్రమోట్ చేయడానికి తెగ కిందా మీదా పడుతున్నారు కూడా.