దిల్ రాజుకు అంత నచ్చిందా?

ఉగాదినాడు ప్రత్యేకంగా సినిమా చూసారు దిల్ రాజు. అది కూడా విలక్షణ దర్శకుడు పూరిజగన్నాధ్ తన కొడుకు ఆకాష్ తో నిర్మించిన సినిమా. పూరిజగన్నాధ్ కోరిక మేరకు సినిమా చూసిన దిల్ రాజు, ఆ సినిమాను తను అవుట్ రేట్ న తీసుకోవడానికి ఓకె అనేసారు. అయితే రేటు మాత్రం ఇంకా ఫిక్స్ కాలేదు.

ఈ మధ్య ఏదైనా సినిమా నచ్చితే, అవుట్ రేట్ గా కొనడం అన్నది స్టార్ట్ చేసారు దిల్ రాజు. ఆ మధ్య తొలిప్రేమ సినిమాను అలాగే కొన్నారు. వచ్చే నెల విడుదలయ్యే కృష్ణార్జున యుద్ధం కూడా అలాగే కొన్నారు.

ఇప్పుడు పూరిజగన్నాధ్ నిర్మించిన మెహబూబాను కూడా తీసుకుంటానని హామీ ఇచ్చాడు. అంటే ఆ సినిమా దిల్ రాజుకు అంతబాగా నచ్చివుండాలి. మనసు పెట్టి తీయాలే కానీ, పూరిజగన్నాధ్ బాగానే తీస్తారు. అందులో కొడుకు కోసం తీస్తున్నాడు కాబట్టి కాస్త జాగ్రత్తగానే తీసివుండొచ్చు. అందుకే దిల్ రాజుకు నచ్చి వుండొచ్చు.