లై ఫంక్షన్ కు మహేష్?

14 రీల్స్ సంస్థ లై సినిమాను చాలా ప్రెస్టీజియస్ గా తీసుకుంటోంది. నితిన్ కెరీర్ లోనే భారీ బడ్జెట్ తో తయారైన ఈ సినిమా ఈ నెల 11న విడుదల కు రెడీ అవుతోంది. అందుకు అనుగుణంగా త్వరలో ప్రీ రిలీజ్ ఫంక్షన్ జరపాలని డిసైడ్ అయింది.

అయితే ఈ ఫంక్షన్ సూపర్ గా వుండాలన్నా, సినిమాకు మరింత బజ్ రావాలన్నా, దానికి సూపర్ అట్రాక్షన్ ఒకటి తోడు కావాలి. అలాంటి స్టార్ అట్రాక్షన్ కోసం ఇప్పుడు 14 రీల్స్ అధినేతలు ప్రయత్నిస్తున్నట్లు తెలుస్తోంది.

ఆ స్టార్ అట్రాక్షన్ మరేదో కాదు, సూపర్ స్టార్ మహేష్ బాబు. 14 రీల్స్ సంస్థతో మహేష్ బాబుకు మాంచి అనుబంధం వుంది. అందుకే తమ అడియో ఫంక్షన్ కు ఛీఫ్ గెస్ట్ గా రమ్మని 14 రీల్స్ అధినేతలు మహేష్ ను రిక్వెస్ట్ చేసినట్లు తెలుస్తోంది.

మహేష్ రెస్పాన్స్ ను బట్టి, వీలును బట్టి ఫంక్షన్ డేట్ ఫిక్స్ చేసే ఆలోచనలో 14 రీల్స్ అధినేతలు వున్నారు.