ఈ సినిమాతో ‘అమీతుమీ’

టాలీవుడ్ లోని మంచి దర్శకుల్లో ఇంద్రగంటి మోహన కృష్ణ ఒకరు. క్లాస్ కామెడీని అందించడంలో ఆయనది ఓ ప్రత్యేకమైన స్టయిల్. బందిపోటు సినిమాతో కాస్త దెబ్బతిన్నా, జెంటిల్ మన్ సినిమాతో మళ్లీ కాస్త సర్దుకున్నారు. లేటెస్ట్ గా అమీతుమీ అంటూ మళ్లీ మాంచి కామెడీతో జనం ముందుకు వస్తున్నారు.

అవసరాల శ్రీనివాస్, వెన్నెల కిషోర్, అడవి శేషు వంటి వారితో మాంచి కన్ఫ్యూజ్ కామెడీ అందించే ప్రయత్నం చేస్తున్నట్లు కనిపిస్తోంది. ట్రయిలర్ ఛాయలు చూస్తుంటే మళ్లీ అష్టాచెమ్మా ఛాయలు గుర్తుకు వస్తున్నాయి.

ఈ సినిమా హిట్ అయితే ఇంద్రగంటికి మంచి చాన్స్ లు వుంటాయి. ముఖ్యంగా నాగా చైతన్యతో ఇంద్రగంటి ప్రాజెక్టు ఒకటి ఎప్పటి నుంచో పెండింగ్ లో వుంది. ఆ మధ్య చైతన్య కూడా మంచి స్క్రిప్ట్ వుంటే ఆయనతో ఓ సినిమా చేయాలనే చెప్పాడు. మరో పక్క సితార ఎంటర్ టైన్ మెంట్స్ సంస్థ నాగ్ చైతన్యతో మరో సినిమా (ప్రేమమ్ తరువాత) చేయాలనే ప్రయత్నంలో వుంది. 

ఇలాంటి టైమ్ లో అమీతుమీ కనుక మంచి రిజల్ట్ సాధిస్తే, ఈ కాంబినేషన్ సెట్ అయిపోతుంది. ఇంద్రగంటి ఎప్పుడు సినిమా అడిగినా తాను చేస్తా అని నాని అంటున్నాడు కానీ, అతను ఇప్పట్లో ఖాళీ కాడు. అందువల్ల సితార ఎంటర్ టైన్ మెంట్స్- నాగ్ చైతన్యనే అన్ని విధాల బెటర్ ఆప్షన్. కానీ అది చేతిలోకి రావాలంటే ఇంద్రగంటి అమీతుమీతో మాంచి హిట్ కొట్టాలి.