రేపే ఫస్ట్ లుక్ ఎందుకు..?

మహేష్-మురుగదాస్ కొత్త సినిమా ఫస్ట్ లుక్ రేపు రిలీజ్ అవుతోంది. సరిగ్గా సాయంత్రం 5 గంటలకు ఈ సినిమా ఫస్ట్ లుక్ బయటకురాబోతోంది. ఈ ఫస్ట్ లుక్ ఎప్పుడెప్పుడు వస్తుందా చూద్దామని కొందరు వెయిట్ చేస్తుంటే, మరికొందరు మాత్రం అసలు రేపే ఎందుకు ఫస్ట్ లుక్ రిలీజ్ చేస్తున్నారనే డౌట్స్ లో పడిపోయారు.

సాధారణంగా ఫస్ట్ లుక్స్ ను పండగలకు రిలీజ్ చేస్తుంటారు. మహేష్ అయితే కృష్ణ పుట్టిన రోజుకో, గౌతమ్ కృష్ణ బర్త్ డేకో రిలీజ్ చేస్తాడు. కానీ రేపు ఎలాంటి స్పెషాలిటీ లేదు. ఎవరీ పుట్టినరోజులు, ఎలాంటి పండగలు లేవు. అయినప్పటికీ ఫస్ట్ లుక్ వచ్చేస్తోంది. కనీసం ఈరోజు రిలీజైనా హనుమాన్ జయంతి అనుకోవచ్చు.

మహేష్ పుట్టినరోజు నుంచి చూసుకుంటే డిసెంబర్ 31, జనవరి 1, సంక్రాంతి, రిపబ్లిక్ డే, శివరాత్రి, ఉగాది, శ్రీరామనవమి.. ఇలా ఎన్నో పండగలొచ్చాయి…వెళ్లాయి. కానీ అప్పుడు రిలీజ్ అవ్వని ఫస్ట్ లుక్ ను సెడన్ గా రేపు రిలీజ్ చేస్తున్నారు. ఎందుకు..? ఈ యాంగిల్ లో ఆలోచిస్తే ప్రధానంగా రెండు రీజన్స్ కనిపిస్తున్నాయి.

మేజర్ పార్ట్ షూటింగ్ కంప్లీట్ అయ్యేంత వరకు ఫస్ట్ లుక్ జోలికి వెళ్లకూడదని అనుకున్నారు. తాజాగా జరిగిన చెన్నై షెడ్యూల్ తో మేజర్ పార్ట్ షూటింగ్ కంప్లీట్ అయిపోవడంతో ఫస్ట్ లుక్ రిలీజ్ చేయడానికి రెడీ అవుతున్నారు. ఇక రెండో రీజన్ ఏంటంటే.. ఈ సినిమాతో కోలీవుడ్ లో నేరుగా ఎంట్రీ ఇస్తున్నాడు మహేష్ . సో.. తమిళ కొత్త సంవత్సరం తొలిరోజైన ఏప్రిల్ 14న ఫస్ట్ లుక్ రిలీజ్ చేస్తే బాగుంటుందని భావించారు. అయితే అలా చేస్తే తెలుగు ఆడియన్స్ ఫీల్ అయ్యే ప్రమాదముందని భావించి, మధ్యేమార్గంగా ఏప్రిల్ 12వ తేదీని ఫిక్స్ చేశారట.