Epaper
సినిమా జనాలకు సెంటిమెంట్లు ఎక్కువ. చరణ్ కు స్పెషల్ షోలు, ప్రీమియర్ షోలు, మిడ్ నైట్ షోలు అచ్చిరావడం లేదన్న కామెంట్ లు వినిపిస్తున్నాయి. ఈ కారణంగా కావచ్చు,ముందుగా షో వేసి, టాక్ భయంకరంగా స్ప్రెడ్ అయిపోయి, ఓపెనింగ్స్ మీద ఫ్రభావం చూపిస్తున్నాయన్న కారణంగా కావచ్చు, మొత్తానికి ధృవ సినిమాకు మిడ్ నైట్ షోలు, ఎర్లీ మార్నింగ్ షోలు వేయకూడదని డిసైడ్ చేసేసారు.
విడుదల రోజు ఉదయం ఆరు గంటల తరువాతే షోలు వేసుకోవాలని సూచించారు నిర్మాత అల్లు అరవింద్. ఆయన ఎన్ వి ప్రసాద్ కలిసి నిర్మించిన సినిమా ధృవ. రామ్ చరణ్ హీరోగా సురేందర్ రెడ్డి దర్శకత్వంలో రూపొందిందీ సినిమా. ఈ సినిమా విడుదల ఇక వారం రోజులే వుంది. ఈ సినిమా మీద మంచి బజ్ వుండడంతో, చాలా మంది అభిమానులు, వివిధ సంస్థలు బెనిఫిట్ షో ల కోసం హడావుడి ప్రారంభించాయి.
అరవింద్ ఊ అనాలే కానీ రెండు స్టేట్ ల్లో బెనిఫిట్ షోలు బాగానే పడే అవకాశం వుంది. కానీ గతంలో జరిగిన ప్రచారం, హడావుడి, దానివల్ల వచ్చిన నష్టం అన్నీ చూసి, ఈసారి మార్నింగ్ షోలు తప్ప, రాత్రి, తెల్లవారుఝామున వేయ కూడడదని అరవింద్ డిసైడ్ అయ్యారట. ఫ్యాన్స్ కావాలనుకుంటే ఉదయం ఆరు తర్వాత తమ కోసం ప్రత్యేకంగా షోలు ప్లాన్ చేసుకోవచ్చని సూచించారట.