Epaper
అదిగో సినిమా అంటే ఇదిగో వర్కింగ్ టైటిల్ అంటున్నారు జనాలు. అంత ఫాస్ట్ అయిపోయారు. సినిమా జనాల కన్నా ముందే అభిమానులు తమ టాలెంట్ చూపించి టైటిళ్లు పిక్స్ చేస్తున్నారు, టీజర్లు రెడీ చేస్తున్నారు. రామ్ చరణ్-మేర్లపాక గాంధీ కాంబినేషన్ లో యువి క్రియేషన్స్ ఓ సినిమా నిర్మిస్తుందని వార్తలు వినిపించాయి. దానికి ఇంకా టైమ్ వుంది. ఎందుకంటే ధృవ పూర్తి కావాలి.
అలాగే సుకుమార్-మైత్రీ మూవీస్ సినిమా ఫినిష్ అవ్వాలి. కానీ అభిమానులు మాత్రం అప్పుడే ఓ టైటిల్ ఫిక్స్ చేసేసినట్లు కనిపిస్తోంది. ఈ సినిమాకు మెగా ఎక్స్ ప్రెస్ అన్న టైటిల్ అందుకే వినిపిస్తోంది. మేర్లపాక మురళి ఇప్పటికి రెండు సినిమాలు చేసారు. ఒకటి వెంకటాద్రి ఎక్స్ ప్రెస్, రెండవది ఎక్స్ ప్రెస్ రాజా. బహుశా ఆ సెంటిమెంట్ నే ఊహించి ఈ మెగా ఎక్స్ ప్రెస్ అన్న టైటిల్ బయటకు వచ్చి వుంటుంది. బాగుందని అనిపిస్తే ఇదే ఫిక్స్ చేసేస్తారేమో?